De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a través do Boletín Oficial del Estado ás persoas citadas no anexo, a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente tramitado nesta xefatura territorial.
O correspondente expediente obra no Servizo de Familia, Infancia e Dinamización Demográfica, da Xefatura Territorial en Vigo da Consellería de Política Social, na rúa Concepción Arenal, 8, 1º andar, 36201 Vigo, onde poderán comparecer as persoas interesadas para o coñecemento do contido íntegro da resolución, de luns a venres laborais e das 9.00 ás 14.00 horas, no prazo de dous meses desde o día seguinte á publicación da presente cédula no Boletín Oficial del Estado, advertíndolles que, de non facelo, se terán por notificadas.
Contra esta resolución, que pon fin á vía administrativa, poderá interpoñerse recurso ante o Xulgado de Primeira Instancia de Vigo que por quenda corresponda, no prazo de dous meses desde a súa notificación, sen necesidade de reclamación administrativa logo de conformidade co disposto no artigo 780 da Lei 1/2000, do 7 de xaneiro, de axuizamento civil.
Vigo, 13 de novembro de 2017
Marta Iglesias Bueno
Xefa territorial de Vigo
ANEXO
1. Nº de expediente: 2011/17-36.
Interesado: Aurel Mamet.
NIE: X8139493T.
Interesada: Claudia Mamet.
NIE: X8561515H.
2. Acto que se notifica: resolución administrativa do 2 de outubro de 2017.
3. Efectos xurídicos que produce a resolución: cesamento de medida administrativa.