Nesta peza de apelación civil 620/2016, dimanante de peza de incidente concursal oposición cualificación (171) número 40/2015 do Xulgado do Mercantil número 2 de Pontevedra, seguido por instancia de José Peixoto Rodríguez contra Juan Fernando Martínez Cortizas e Xeralnova Sociedad Limitada y otros, ditouse sentenza cuxo teor literal é o seguinte:

A Sección Primeira da Audiencia Provincial de Pontevedra, composta polos maxistrados:

Francisco Javier Menéndez Estébanez

Manuel Almenar Belenguer

Jacinto José Pérez Benítez

Ditou en nome do rei a seguinte

Sentenza 609/2016

En Pontevedra, o 29 de decembro de 2016.

Vistos en grao de apelación, ante a Sección Primeira da Audiencia Provincial de Pontevedra, os autos de procedemento incidente concursal 40/2015, procedentes do Xulgado do Mercantil número 2 de Pontevedra, aos cales lles correspondeu a peza número 620/2016, en que aparece, como parte apelante, José Peixoto Rodríguez, representado polo procurador Antonio Fernández García e asistido polo letrado Borja Manuel Hermida Merino, e, como parte apelada, administración concursal Recigranit Sociedad Limitada, representada pola letrada Fátima María Lozoya Pérez, Recigranit Sociedad Limitada, Noelia Martiña Gómez Serrapio, Gestiona Bufete de Abogados Sociedad Limitada, administradores de Economía Sociedad Limitada, que non compareceron nesta alzada, Ministerio Fiscal, Juan Fernando Martínez Cortizas e Xeralnova Sociedad Limitada, en rebeldía, e sendo relator o maxistrado Francisco Javier Menéndez Estébanez, quen expresa o parecer da Sala.

Resolvemos que debemos estimar e estimamos parcialmente o recurso de apelación interposto pola representación procesual de José Peixoto Rodríguez contra a Sentenza ditada neste procedemento polo Xulgado do Mercantil número 2 de Pontevedra, do 8 de marzo de 2016, no único sentido de deixar sen efecto o pronunciamento sobre devolución dos bens obtidos indebidamente do patrimonio do debedor, confirmando o resto de pronunciamentos, sen especial imposición de custas causadas nesta alzada.

Seguen as rúbricas. Certifico.

Ao estaren os ditos apelados, Juan Fernando Martínez Cortizas e Xeralnova Sociedad Limitada, en paradoiro descoñecido, e para que así conste e se remita ao Diario Oficial de Galicia, expídese este edicto co fin de que lles sirva de notificación en forma.

Pontevedra, 22 de marzo de 2017

A letrada da Administración de xustiza