O Pleno do Concello de Vigo, en sesión ordinaria do día 27 de decembro de 2017, adoptou o seguinte acordo:
«Primeiro. Aprobar ao abeiro do disposto no artigo 42.5 da Lei 2/2016, do 10 de febreiro, do solo de Galicia, e en similares termos no artigo 65.7 do seu regulamento, o cambio do uso dotacional dunha parcela sita na rúa Romil, núm. 77 (núm. 79 segundo o catastro) pertencente ao inventario municipal de bens (núm. de inventario provisional 4352), con referencia catastral declarada 2553034NG2725S, de 2.695 m2 de superficie, sita no ámbito do PERI I-06 Hispanidade, de dotacional escolar a dotacional deportivo.
Segundo. Publicar o presente acordo no BOP e no DOG, e notificalo para o seu coñecemento á Consellería de Cultura, Educación e Ordenación Universitaria e á Secretaría Xeral para o Deporte da Xunta de Galicia.
Terceiro. Remitir o presente acordo, xunto con dúas copias debidamente dilixenciadas do aprobado, á Consellería de Medio Ambiente e Ordenación do Territorio da Xunta de Galicia, para o seu coñecemento e efectos. No anuncio de aprobación, referido no punto dispositivo segundo do presente acordo, farase constar a dita remisión.
Cuarto. Notificar este acordo ao departamento municipal de Deportes, Benestar Social e Educación, así como ao Servizo de Cartografía, á Oficina de Licenzas e á Oficina de Información da XMU».
Mediante o presente anuncio faise constar que, dando cumprimento ao establecido no punto terceiro da parte dispositiva, mediante oficio do 18 de xaneiro de 2018 foille remitido o dito acordo, xunto con dúas copias debidamente dilixenciadas do aprobado, á Consellería de Medio Ambiente e Ordenación do Territorio, para o seu coñecemento e efectos.
Vigo, 19 de xaneiro de 2018
O presidente da Xerencia Municipal de Urbanismo
P.D. (Resolución do 6.7.2015)
María José Caride Estévez
Vicepresidenta da Xerencia Municipal de Urbanismo