Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 36 Martes, 20 de febreiro de 2018 Páx. 10943

IV. Oposicións e concursos

Consellería de Sanidade

ORDE do 15 de febreiro de 2018 pola que se resolve a convocatoria pública para a provisión dun posto de persoal directivo na Axencia Galega para a Xestión do Coñecemento en Saúde.

Mediante a Orde do 17 de xaneiro de 2018 (DOG núm. 14, do 19 de xaneiro) convocouse a provisión, polo sistema de libre designación, dun posto de persoal directivo na Axencia Galega para a Xestión do Coñecemento en Saúde.

De conformidade co establecido nos artigos 15.2 e 36 do Decreto 112/2015, do 31 de xullo, polo que se crea a Axencia Galega para a Xestión do Coñecemento en Saúde e se aproban os seus estatutos, e en exercicio das competencias que ten atribuídas esta consellería,

DISPOÑO:

Primeiro. Resolver a convocatoria pública efectuada pola Orde do 17 de xaneiro de 2018 (DOG núm. 14, do 19 de xaneiro).

Segundo. Vista a proposta realizada polo Consello Reitor da Axencia en sesión celebrada o 15 de febreiro de 2018, seleccionar e nomear, para o desempeño do posto que se indica, a persoa que figura no anexo desta orde.

Terceiro. Contra a presente orde, que pon fin á vía administrativa, poderase interpoñer recurso contencioso-administrativo no prazo de dous meses, contados a partir do día seguinte ao da súa publicación, ante o xulgado do contencioso-administrativo competente de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa. Potestativamente, e con carácter previo, poderase interpoñer recurso administrativo de reposición ante este órgano directivo, no prazo dun mes a partir do día seguinte ao da súa publicación, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 15 de febreiro de 2018

Jesús Vázquez Almuiña
Conselleiro de Sanidade

ANEXO

Posto: xerente da Axencia Galega para a Xestión do Coñecemento en Saúde.

Nome e apelidos: Beatriz Allegue Requeijo.

D.N.I. (*): *****555V.

* Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 15/1999, do 13 de decembro.