Con data do 8 de febreiro de 2018, foi publicado no Diario Oficial de Galicia número 28 o anuncio de licitación do servizo de limpeza en edificios e locais do Campus de Santiago de Compostela da USC (expediente 2018/CSEA1/000002).
1. Advertido un erro material na cláusula 13.3 do anexo I de especificacións do contrato do prego de cláusulas administrativas particulares (PCAP), procédese á súa corrección:
Onde di: «O incumprimento das obrigas establecidas na cláusula 5.1 do prego de prescricións técnicas poderá implicar, a primeira vez, a aplicación dunha penalización do 2 % na factura mensual»,
Debe dicir: «O incumprimento das obrigas establecidas na cláusula 4.1 do prego de prescricións técnicas poderá implicar, a primeira vez, a aplicación dunha penalización do 2 % na factura mensual».
2. Advertidos erros de feito nos criterios subxectivos de valoración establecidos no anexo I de especificacións do contrato do PCAP, procédese á súa corrección co seguinte tenor:
11.1. Sobre B.
1. Relacionados coa prestación do servizo. Ata 20 puntos.
A. Onde di: «Ata 20 puntos», debe dicir: «Ata 30 puntos».
B. Elimínase o punto 1.9: «Certificacións de calidade».
C. Substitúese este punto polo de «Protocolo de actuación en materia de xestión de residuos».
Na cláusula 11.1.2 «De carácter social e ambiental», elimínase este punto 2 e a súa valoración.
3. Advertido un erro de feito na cláusula 1.1 do prego de prescricións técnicas (páxina 2), procédese á súa corrección eliminando as letras k) e n) que fan referencia, respectivamente, ás certificacións de calidade e ás certificacións ambientais.
Tendo en conta a substantividade e relevancia da presente corrección de erros, e co obxecto de favorecer a máxima participación posible na licitación do contrato, ábrese un novo prazo de presentación de ofertas que finalizará ás 14.00 horas do día 3 de abril de 2018.
Os fundamentos desta resolución pódense consultar no perfil do contratante da USC: http://www.usc.es/contratacion
Santiago de Compostela, 22 de febreiro de 2018
O reitor
P.D. (Resolución do 22.9.2015, DOG do 5 de outubro)
José Manuel Villanueva Prieto
Xerente da Universidade de Santiago de Compostela