O conselleiro maior do Consello de Contas, mediante a Resolución do 28 de febreiro de 2018, dispuxo a apertura do procedemento de adxudicación dun contrato de subministración de distinto equipamento para a modernización do almacenamento, da virtualización e do sistema de apoio e recuperación de datos da estrutura informática da institución, co detalle que se relaciona a seguir:
1. Entidade adxudicadora: datos xerais e datos para a obtención da información:
a) Organismo: Consello de Contas de Galicia.
b) Dependencia que tramita o expediente: Secretaría Xeral.
c) Obtención de documentación e información:
c.1) Dependencia: Secretaría Xeral.
c.2) Domicilio: rúa de Domingo Fontán, nº 7.
c.3) Localidade e código postal: Santiago de Compostela 15702.
c.4) Teléfono: 981 54 22 16.
c.5) Telefax: 981 54 22 10.
c.6) Correo electrónico: secret@ccontasgalicia.es
c.7) Enderezo da internet do perfil do contratante:
http://www.consellodecontas.es/gl/menus-consello/consello/perfil-do-contratante
c.8) Data límite de obtención da documentación e información: décimo quinto día natural seguinte ao da publicación do presente anuncio.
d) Número de expediente: 18/16.
2. Obxecto do contrato:
a) Tipo: mixto; a adxudicación rexerase polas normas reguladoras da subministración.
b) Descrición: subministración do hardware e software necesarios para a modernización dunha cabina de almacenamento, un sistema de virtualización de servidores (subministración do software –licenzas– de virtualización) e un sistema de backup unificado. Complementariamente, e durante todo o período de vixencia do contrato, o contratista prestará un servizo de soporte técnico e mantemento de primeiro nivel para todos os compoñentes da oferta.
c) División por lotes: non.
d) Lugar de entrega:
d.1) Enderezo: rúa de Domingo Fontán, nº 7.
d.2) Localidade e código postal: Santiago de Compostela 15702.
e) Prazo de execución: un mes para a instalación dos equipamentos e programas. Tres anos para a subministración de parches e solucións para os programas instalados e reparación ou substitución do hardware subministrado. Tres anos de soporte técnico.
f) Admisión de prórroga: si.
g) CPV: 48800000, 48781000-6 e 48710000-8.
3. Tramitación e procedemento:
a) Tramitación: ordinaria.
b) Procedemento: aberto, con multiplicidade de criterios.
c) Criterios de adxudicación:
c.1) Suxeitos a un xuízo de valor (0-20 puntos).
1) Características do plan de execución (0-10 puntos).
2) Usabilidade das ferramentas de administración (0-10 puntos).
c.2) Avaliables mediante fórmulas ou táboas de puntuación (0-80 puntos).
1) Prezo (0-55 puntos).
2) Cabina: capacidade neta SSD/Flash (0-20 puntos).
3) Cabina: capacidade neta SAS (5 puntos).
4. Valor estimado do contrato: 57.850,00 euros.
5. Orzamento base de licitación:
a) Importe neto: 53.450 euros. IVE (21 %): 11.224,50 euros. Importe total: 64.674,50 euros.
6. Garantías exixidas. Definitiva: 5 % do importe de adxudicación, IVE excluído.
7. Requisitos específicos do contratista:
a) Documentación acreditativa da capacidade de obrar do empresario, da súa habilitación e, de ser o caso, da súa representación.
b) Solvencia económica e financeira e técnica ou profesional:
b.1) Solvencia económica e financeira: acreditarase mediante o volume anual de negocios do licitador, referido ao ano de maior volume de entre os tres últimos exercicios rematados, que deberá ser igual ou superior a 86.775,00 €. O volume anual de negocio acreditarase mediante as contas anuais aprobadas e depositadas no Rexistro Mercantil, nos termos establecidos no prego de cláusulas administrativas particulares (PCAP).
b.2) Solvencia técnica e profesional: acreditarase mediante a achega dunha relación das principais subministracións do mesmo tipo ou natureza realizadas nos cinco últimos anos, indicando o seu importe, as datas e se o seu destinatario foi público ou privado. As subministracións acreditaranse mediante certificados expedidos ou visados polo órgano competente, cando o destinatario sexa unha entidade do sector público ou, cando o destinatario sexa privado, mediante un certificado expedido por este ou, na falta deste certificado, mediante unha declaración do empresario. Será preciso que o importe anual certificado para o ano de maior execución iguale ou supere os 40.495,00 €.
c) A acreditativa de estar ao día nas súas obrigas tributarias e coa Seguridade Social.
8. Presentación de ofertas:
a) Data límite de presentación: o décimo quinto día natural seguinte ao da publicación deste anuncio. De coincidir o último día do prazo de presentación en sábado, domingo ou festivo, entenderase prorrogado ata o primeiro día hábil seguinte.
b) Modalidade de presentación: por escrito. No lugar que se indica a seguir ou por correo (artigo 80 do RXLCAP).
c) Lugar de presentación:
1º. Dependencia: Rexistro Xeral do Consello de Contas.
2º. Domicilio: rúa de Domingo Fontán, nº 7.
3º. Localidade e código postal: Santiago de Compostela 15702.
d) Prazo durante o cal o licitador estará obrigado a manter a súa oferta: dous meses desde a apertura das proposicións.
9. Apertura de ofertas:
a) Descrición:
a.1. Sobre A: en acto non público, cualificación documental. Antes do décimo segundo día seguinte ao de remate do prazo de presentación de proposicións.
a.2. Sobre B: en acto público, proposicións. Antes do oitavo día seguinte ao de apertura dos sobres A. A data e hora exactas serán publicadas no perfil do contratante cunha antelación mínima de 48 horas.
a.3. Sobre C: en acto público, proposicións. A data e hora exactas serán publicadas no perfil do contratante cunha antelación mínima de 48 horas.
b) Enderezo: rúa de Domingo Fontán, nº 7.
c) Localidade e código postal: Santiago de Compostela 15702.
10. Gastos de publicidade: serán por conta do adxudicatario, ata un máximo de 1.600 euros.
Santiago de Compostela, 28 de febreiro de 2018
José Antonio Redondo López
Conselleiro maior