DOG 48 do 8/03/2018 - RESOLUCIÓN do 27 de febreiro de 2018 pola que se anuncia a licitación por procedemento aberto multicriterio e tramitación ordinaria, documentalmente simplificado e non suxeito a regulación harmonizada, do contrato de obras consistente na rehabilitación para a mellora da eficiencia enerxética do edificio de setenta e nove vivendas de promoción pública situado na rúa Bélxica número 2, 4, 6, 8A e 8B, en Monteporreiro, Pontevedra, cofinanciado polo Fondo Europeo de Desenvolvemento Rexional, no marco do programa operativo Feder-Galicia 2014-2020 (expediente PO-2017/REE01).

VI. Anuncios

a) Administración autonómica

Instituto Galego da Vivenda e Solo

RESOLUCIÓN do 27 de febreiro de 2018 pola que se anuncia a licitación por procedemento aberto multicriterio e tramitación ordinaria, documentalmente simplificado e non suxeito a regulación harmonizada, do contrato de obras consistente na rehabilitación para a mellora da eficiencia enerxética do edificio de setenta e nove vivendas de promoción pública situado na rúa Bélxica número 2, 4, 6, 8A e 8B, en Monteporreiro, Pontevedra, cofinanciado polo Fondo Europeo de Desenvolvemento Rexional, no marco do programa operativo Feder-Galicia 2014-2020 (expediente PO-2017/REE01).

1. Entidade adxudicadora.

Instituto Galego da Vivenda e Solo (IGVS).

2. Obxecto do contrato.

a) Descrición do obxecto: rehabilitación para a mellora da eficiencia enerxética do edificio de 79 VPP situado na rúa Bélxica nº 2, 4, 6, 8A e 8B, Monteporreiro, Pontevedra.

b) Prazo de execución: nove (9) meses.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto, documentalmente simplificado.

c) Forma: multicriterio.

4. Orzamento base de licitación.

a) Importe neto: catrocentos setenta e sete mil seiscentos oitenta e oito euros con noventa e seis céntimos (477.688,96 €).

b) IVE (21 %): cen mil trescentos catorce euros con sesenta e oito céntimos (100.314,68 €).

c) Importe total: cincocentos setenta e oito mil tres euros con sesenta e catro céntimos (578.003,64 €).

5. Garantías.

a) Provisional: non se exixe.

b) Definitiva: 5 % do orzamento base de licitación (IVE excluído).

6. Requisitos específicos do contratista.

a) Clasificación: non se exixe.

b) Solvencia económica e financeira e técnica ou profesional: as establecidas no PCAP.

c) Concreción dos requisitos de solvencia técnica ou profesional: os establecidos no PCAP.

7. Obtención de documentación.

O prego de cláusulas administrativas particulares (PCAP) e de prescricións técnicas (PPT) polos que terá de rexerse a contratación poderán recollerse durante o prazo de presentación de proposicións no Servizo de Contratación do IGVS (polígono das Fontiñas. Área Central, s/n, Santiago de Compostela), e consultarse na páxina da internet: http://www.contratosdegalicia.gal/resultado.jsp?N=283414, e no perfil do contratante: http://igvs.xunta.gal/web/igvs/350.

8. Presentación das ofertas.

As proposicións, que se axustarán ao modelo que se inclúe no correspondente PCAP, presentaranse no Rexistro Xeral do IGVS, antes das 14.00 horas do vixésimo sexto (26º) día natural a partir do seguinte ao da publicación desta resolución no Diario Oficial de Galicia. Cando a proposición se envíe por correo o licitador deberá xustificar a data de imposición do envío na oficina de Correos e anunciarlle ao órgano de contratación a remisión da dita oferta mediante telegrama ou fax (núm. 981 54 16 00) no mesmo día.

9. Apertura das ofertas.

O acto público de apertura do sobre B (proposicións técnicas) e do sobre C (proposicións económicas) terá lugar nos servizos centrais do IGVS, na data que será anunciada, con tres días hábiles de antelación á súa realización, no perfil do contratante.

10. Gastos do anuncio.

O importe dos anuncios será por conta do adxudicatario.

Santiago de Compostela, 27 de febreiro de 2018

A presidenta do Instituto Galego da Vivenda e Solo
P.D. (Resolución do 23.6.2010)
Heriberto García Porto
Director xeral do Instituto Galego da Vivenda e Solo