Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 49 Venres, 9 de marzo de 2018 Páx. 14452

VI. Anuncios

a) Administración autonómica

Axencia Turismo de Galicia

ANUNCIO do 27 de febreiro de 2018 polo que se acorda someter a información pública o proxecto de decreto polo que se establece a ordenación dos campamentos de turismo.

A Axencia Turismo de Galicia está a tramitar o proxecto de decreto polo que se establece a ordenación dos campamentos de turismo.

Na súa virtude, de conformidade co disposto no artigo 42.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia,

ACORDO:

Primeiro. Someter a información pública, por un prazo de quince (15) días hábiles contados desde o día seguinte ao da publicación deste anuncio, o proxecto de decreto polo que se establece a ordenación dos campamentos de turismo.

Segundo. O texto do proxecto de decreto poderá consultarse no Portal de transparencia e goberno aberto da Xunta de Galicia, no seguinte enlace: https://transparencia.xunta.gal/tema/informacion-de-relevancia-xuridica/normativa-en-tramitacion/en-prazo-de-envio-de-suxestions/-/nt/0196/proxecto-decreto-2018-polo-que-establece-ordenacion-dos-campamentos-turismo.

Terceiro. As persoas físicas e xurídicas interesadas e a cidadanía, en xeral, poden facer as proposicións, as suxestións ou as recomendacións que consideren oportunas a este proxecto do decreto, a través do formulario disposto para este fin na ligazón do portal de transparencia da Xunta de Galicia indicado no punto segundo deste anuncio, ou mediante a presentación de escrito en calquera dos lugares previstos no artigo 16.4 da Lei 39/2015, do 1 de outubro, do procedemento administrativo común das administracións públicas, dirixido á Axencia Turismo de Galicia, A Barcia, estrada Santiago-Noia, km 3, 15897 Santiago de Compostela.

Santiago de Compostela, 27 de febreiro de 2018

Mª Nava Castro Domínguez
Directora de Turismo de Galicia