De conformidade co disposto nos artigos 44 e 46 da Lei 39/2015 (BOE núm. 236, do 2 de outubro), do procedemento administrativo común das administracións públicas, notifícase a Oystein Midtsundstad, mediante a publicación no Boletín Oficial del Estado, a Resolución do 5 de xaneiro de 2018 da Presidencia da entidade pública Portos de Galicia, que declara o barco que se cita, varado no porto de Camariñas, en situación de abandono, por non ser posible a notificación no domicilio.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín oficial del Estado.
A resolución emítese por atoparse a embarcación varada sen ningunha actividade desde hai uns 5 anos, con base no establecido no artigo 302 do Real decreto lexislativo 2/2011 (BOE núm. 253, do 20 de outubro), que aproba o texto refundido da Lei de portos do Estado e da mariña mercante, e na regra décimo quinta de aplicación á tarifa portuaria E-2, prevista na Lei 6/2003 (DOG núm. 240, do 11 de decembro), unha vez que non existe constancia da presentación de alegacións contra o acordo de iniciación do procedemento.
De acordo coa normativa que se cita, e a través dos medios previstos na Lei 5/2011, (DOG núm. 203, do 24 de outubro), do patrimonio da Comunidade Autónoma de Galicia, Portos de Galicia vai a proceder á venda da embarcación e, se esta resultar falida, ao seu traslado a centro de despezamento ou vertedoiro autorizado, sendo todo os custos que xeren estas actuacións á cuesta do propietario.
Contra a presente resolución, que pon fin á vía administrativa e é executiva, poderase interpor recurso contencioso-administrativo nun prazo de dous meses contados desde o día seguinte ao da publicación deste anuncio, ante o xulgado do contencioso-administrativo de Santiago de Compostela que corresponda.
Santiago de Compostela, 27 de febreiro de 2018
José Juan Durán Hermida
Presidente de Portos de Galicia