O Pleno do Concello, en sesión do 21 de febreiro de 2018, adoptou o seguinte acordo:

1º. Aprobar definitivamente o estudo de detalle para reaxuste de aliñacións, presentado por Ramón Iglesias Leboráns e redactado polo arquitecto Luis Antonio Garea Rodríguez, con data do 3.7.2017, presentado no concello o 17.7.2017 (r.e. 3148), para o reaxuste de aliñacións das parcelas con referencias catastrais 15013B50300287, 15013B50300286 e 7920405NH2472S, que dan fronte á estrada AC-300, no lugar de Sabaxáns, Bastavales.

O presente acordo notificarase persoalmente aos interesados e publicarase no Diario Oficial de Galicia. Unha vez publicado o acordo no Diario Oficial de Galicia, remitirase á Consellería de Medio Ambiente e Ordenación do Territorio a documentación exixida polo artigo 88.3 da Lei do solo de Galicia, para os efectos de inscribir o estudo de detalle no Rexistro de Planeamento Urbanístico de Galicia. Logo de que conste a inscrición no Rexistro, procederase a publicar a normativa no Boletín Oficial da provincia.

Contra ese acordo poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Brión, 21 de febreiro de 2018

José Luis García García
Alcalde