Por Resolución da Xefatura Territorial de Pontevedra do 27 de decembro de 2017, aprobouse a renovación do Plan de aproveitamento específico da anguía na desembocadura do río Ulla para o ano 2018 (DOG núm. 20, do 29 de xaneiro).
O anexo A da citada resolución establece a relación de embarcacións e tripulantes autorizados para participaren neste plan de aproveitamento.
Con data do 6 de febreiro de 2018, o patrón maior da Confraría de Pescadores Virxe do Carme de Rianxo solicitou que se modifiquen os tripulantes autorizados nas embarcacións Curota, matrícula 3ª VILL-3-4-02, e Xoana con matrícula 3ª VILL-3-13-92.
Con data do 19 de febreiro de 2018, o patrón maior da Confraría de Pescadores Santiago Apóstolo do Carril solicitou que se modifiquen os tripulantes autorizados nas embarcacións Mª del Carmen, matrícula VILL-3ª-2.652, e Porto, con matrícula VILL-3ª-10.131.
O cambio dos tripulantes non supón un aumento do número total de tripulantes autorizados ao dito plan.
Resolución:
Visto o exposto, acórdase a modificación dos tripulantes das embarcacións da confraría do Carril Mª del Carmen, matrícula VILL-3ª-2.652, e Porto, con matrícula VILL-3ª-10.131, e dos tripulantes das embarcacións da confraría de Rianxo Curota, matrícula 3ª VILL-3-4-02, e Xoana, con matrícula 3ª VILL-3-13-92, que figuran no anexo A da Resolución do 27 de decembro de 2017, e os tripulantes autorizados para participar neste plan pasan a ser os seguintes:
Confraría de Pescadores Santiago Apóstolo do Carril:
|
Embarcación |
Matrícula |
Participantes no plan |
|
Mª del Carmen |
VILL-3ª-2.652 |
Alfonso Barreiro Ferreirós |
|
Porto |
VILL-3ª-10.131 |
Rafael Ozores Grande |
|
Begoña Barreiro Ferreirós |
Confraría de pescadores Virxe do Carme de Rianxo:
|
Embarcación |
Matrícula |
Participantes no plan |
|
Curota |
3ª VILL-3-4-02 |
Manuel Vidal Galbán |
|
Eloy Vidal Galbán |
||
|
Xoana |
3ª VILL-3-13-92 |
Juan Diego Tembra Domínguez |
|
Cristina Ces Ordóñez |
||
|
Manuel Tembra Vilanova |
Contra a presente resolución poderá interpoñerse recurso de alzada ante a conselleira de Medio Ambiente e Ordenación do Territorio no prazo de 1 mes desde a súa recepción, segundo o recollido nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
Pontevedra, 5 de marzo de 2018
José Manuel González González
Xefe territorial de Pontevedra
