A Xunta de Goberno de Santiago de Compostela, na sesión ordinaria que tivo lugar o día 22 de decembro de 2017, adoptou, entre outros, o seguinte acordo:
a) Aprobar inicialmente o estudo de detalle do ámbito 04 do ARI de Vite (avenidas de García Lorca e Castelao e rúa de Celso Emilio Ferreiro), segundo o proxecto redactado pola arquitecta Cristina Ansede Viz, presentado no Rexistro Xeral do Concello o día 19 de decembro de 2017.
O estudo de detalle contén a delimitación espacial do ámbito da actuación, para os efectos do disposto polo artigo 24 do Real decreto lexislativo 7/2015, que habilita a ocupación do dominio público e das superficies comúns de uso privativo para a instalación de ascensores ou outros elementos que aseguren a accesibilidade universal, así como para a realización de obras ou instalacións que reduzan a demanda enerxética.
b) En aplicación do procedemento regulado polos artigos 80.2 da Lei do solo de Galicia e 194 do seu regulamento, o estudo de detalle inicialmente aprobado someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Simultaneamente, efectuaranse notificacións individuais aos titulares catastrais das parcelas afectadas.
O que se publica co fin de que, durante o prazo dun mes contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión do Concello de Santiago de Compostela (Pazo de Raxoi, 2º andar), de luns a venres, das 9.00 ás 14.00 horas; e na páxina web do concello http://transparencia.santiagodecompostela.gal/Estudo-de-detalle-do-ambito-04-do-ARI-de-Vite.-Avenidas-de-Garcia-Lorca-e-Castelao-e-rua-de-Celso-Emilio-Ferreiro/gl.
Santiago de Compostela, 5 de marzo de 2018
O alcalde
P.D. (Decreto do 28 de xuño de 2017)
Jorge Duarte Vázquez
Concelleiro delegado de Espazos Cidadáns, Dereito á Vivenda
Mobilidade e Relacións Veciñais