Por Resolución da Alcaldía con data do 23 de marzo de 2018 aprobouse inicialmente o Plan especial de reforma interior da unidade de execución 10-C das normas subsidiarias do planeamento de Cambre, sita no Temple, redactado polo arquitecto Ángel Luis Monteoliva Díaz, o que se fai público para xeral coñecemento.
Tanto este instrumento de planeamento como o seu expediente se someten a información pública durante o prazo de dous meses, mediante anuncios no Diario Oficial de Galicia e nun dos xornais de maior difusión da provincia, de conformidade co artigo 75.1.a) da Lei 2/2016, do solo de Galicia.
Durante o citado prazo contado a partir do día seguinte ao de publicación deste anuncio no Diario Oficial de Galicia poderanse formular as alegacións que se consideren pertinentes.
O expediente poderá ser consultado nas oficinas da Área de Urbanismo deste concello de luns a venres, das 9.00 ás 14.00 horas.
Cambre, 26 de marzo de 2018
Óscar A. García Patiño
Alcalde