Mediante acordo plenario do 22 de marzo de 2018 prestouse aprobación definitiva á modificación do Plan parcial do sector S-05 Cortes Condomiña do PXOM de Ames. O que se fai público para os efectos previstos nos artigos 82 a 88 da Lei 2/2016, do 10 de febreiro, do solo de Galicia, e nos artigos 199 a 208 do seu regulamento.
«Punto primeiro. Aprobación definitiva modificación Plan parcial do sector de solo urbanizable S-05 Cortes Condomiña do PXOM de Ames.
(...)
Primeiro. Desestimar as alegacións presentadas ao documento de aprobación inicial de modificación do Plan parcial do sector de solo urbanizable S-05 Cortes-Condomiña do PXOM de Ames, polas razóns expostas no corpo deste acordo.
Segundo. Aprobar definitivamente a modificación do Plan parcial do sector de solo urbanizable S-05 Cortes-Condomiña do Plan xeral de ordenación municipal, documento de aprobación definitiva da modificación do Plan parcial redactado polos arquitectos Juan A. Caridad Graña e Isidro López Yáñez e datado en febreiro de 2018, rexistro de entrada 201899900000252.
Terceiro. Publicar o acordo de aprobación definitiva do documento de modificación do Plan parcial do sector de solo urbanizable S-05 Cortes-Condomiña do PXOM de Ames, no Diario Oficial de Galicia, así como a documentación que conteña a normativa e ordenanzas no Boletín Oficial da provincia da Coruña, e promover a inscrición no Rexistro de Planeamento Urbanístico de Galicia.
Cuarto. Facultar o alcalde presidente para cantas actuacións de trámite sexan precisas para a mellor execución do acordado».
Contra o presente acordo por aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que se aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contado desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que poida interpor calquera outro recurso que puidese estimar máis conveniente ao seu dereito.
Ames, 23 de marzo de 2018
José M. Miñones Conde
Alcalde