Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento PO 30/2018, seguido por instancia da Fundación Laboral de la Construcción contra a mercantil Multiservicios Esgoax, S.L. sobre reclamación de cantidade de 463,87 euros, foi ditada a sentenza núm. 17/2018, do 20 de abril de 2018, pola que se estima a demandada presentada, contra a cal non cabe interpor ningún recurso. O texto íntegro de sentenza está ao dispor dos interesados no propio xulgado.

E para que sirva de notificación en legal forma á mercantil Multiservicios Esgoax, S.L., en ignorado paradoiro, expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 20 de abril de 2018

A letrada da Administración de xustiza