Mediante a Resolución do 21 de febreiro de 2018, da Xerencia da Estrutura de Xestión Integrada de Pontevedra e O Salnés (DOG nº 52, do 14 de marzo), convocáronse para a súa provisión, polo sistema de libre designación, varios postos de persoal licenciado sanitario de xefaturas de servizo e unidade en Atención Primaria.

En virtude das competencias atribuídas polo Decreto 43/2013, do 21 de febreiro, polo que se establece a estrutura orgánica do Servizo Galego de Saúde (DOG nº 47, do 7 de marzo) e pola Orde do 28 de setembro de 2011 pola que se desenvolve a estrutura organizativa de Xestión Integrada de Pontevedra e O Salnés e se delegan competencias nos seus órganos directivos (DOG nº 188, do 30 de setembro) modificada pola Orde de 5 de xullo de 2012 (DOG nº 139, do 20 de xullo) esta xerencia

RESOLVE:

Primeiro. Declarar resolta a convocatoria e adxudicarlles os postos de xefatura de servizo e unidade de Atención Primaria convocados aos/ás aspirantes seleccionados/as que constan no anexo I desta resolución.

Segundo. Os/as aspirantes deberán cesar na praza que desempeñen dentro dos tres días hábiles seguintes a aquel en que se publique a resolución no Diario Oficial de Galicia.

A toma de posesión do posto de traballo adxudicado deberase efectuar dentro dos tres días hábiles seguintes ao do cesamento.

Se así o permiten as necesidades do servizo, e por petición motivada do/a interesado/a, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo, e os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.

Contra esta resolución poderase interpoñer recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 25 de abril de 2018

José Ramón Gómez Fernández
Xerente de Xestión Integrada de Pontevedra e O Salnés

ANEXO

Adxudicación de prazas

Apellidos e nome	Código	Denominación da praza	Servizo/Unidade
Facal García, Fernando Luís	SF-A1-250	Xefe de servizo A.P.	Centro de Saúde Lérez (Pontevedra)
Deserta	SF-A1-250	Xefe de servizo A.P.	Centro de Saúde Marín
Deserta	SF-A1-250	Xefe de servizo A.P.	Centro de Saúde Virxe Peregrina (Pontevedra)
Iglesias Raposeiras, Mª Betsabé	SF-A1-251	Xefe de unidade A.P.	Centro de Saúde Anafáns (Poio)
Regueiro Martínez, Antonio Ángel	SF-A1-251	Xefe de unidade A.P.	Centro de Saúde Vilanova de Arousa