En cumprimento do artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización dos contratos que se relacionan a continuación:
1. Entidade adxudicadora:
a) Organismo: Consellería de Economía, Emprego e Industria.
b) Dependencia que tramita o expediente: Secretaría Xeral Técnica-Servizo de Proxectos e Obras.
c) Número de expediente: 2017_013_SXT_OPL.
d) Enderezo na internet do perfil do contratante: http://www.xunta.gal/ceei/perfil-do-contratante
2. Obxecto do contrato:
a) Tipo de contrato: obras.
b) Descrición: obras, por lotes, de substitución de carpintarías (lote 1) e de renovación de cuberta (lote 2) do Centro de Formación Profesional Ocupacional de Lugo.
c) División por lotes e número de lotes: si, dous (2).
Lotes:
Lote 1: substitución de carpintarías.
Lote 2: renovación de cuberta.
d) Admisión de prórroga: non.
e) Establecemento dun acordo marco: non.
f) Nomenclatura CPV (Vocabulario común de contratos públicos): 45000000-7 Traballos de construción.
g) Medio de publicación do anuncio de licitación: Diario Oficial de Galicia (DOG).
h) Data de publicación do anuncio de licitación: 7 de novembro de 2017.
3. Tramitación e procedemento:
a) Tramitación: ordinaria.
b) Procedemento: aberto e non suxeito a regulación harmonizada.
4. Orzamento:
a) Orzamento base de licitación: trescentos vinte e catro mil novecentos noventa e tres euros con cincuenta e nove céntimos (324.993,59 €), IVE incluído.
Para levar a cabo estas actuacións terase en conta o indicado na Orde ESS/621/2017, do 20 de xuño, pola que se distribúen territorialmente para o exercicio económico de 2017, para a súa xestión polas comunidades autónomas con competencias asumidas, subvencións do ámbito laboral financiadas con cargo aos orzamentos xerais do Estado, incluíndo aquelas destinadas á execución do Programa de acción conxunto para a mellora da atención ás persoas paradas de longa duración ou a norma que a substitúa.
b) Orzamento por lotes:
Lote 1: 130.788,42 € (IVE incluído).
Lote 2: 194.205,17 (IVE incluído).
5. Valor estimado: douscentos sesenta e oito mil cincocentos oitenta e nove euros con setenta e catro céntimos (268.589,74 €).
6. Formalización do contrato:
Lote 1: substitución de carpintarías.
a) Data de adxudicación: 4 de maio de 2018.
b) Data de formalización: 11 de maio de 2018.
c) Contratista: Gestión Sistemas Metálicos, S.L.U.
d) Nacionalidade: española.
e) Importe de adxudicación: 91.920,84 € + 19.303,38 € (IVE 21%) = 111.224,22 €.
Lote 2: renovación de cuberta.
a) Data de adxudicación: 4 de maio de 2018.
b) Data de formalización: 11 de maio de 2018.
c) Contratista: Anllar Mantenimientos y Construcciones, S.L.
d) Nacionalidade: española.
e) Importe de adxudicación: 118.154,93 € + 24.812,54 € (IVE 21%) = 142.967,47 €.
Santiago de Compostela, 14 de maio de 2018
O conselleiro de Economía, Emprego e Industria
PD. (Orde do 10.6.2016)
Borja Verea Fraiz
Secretario xeral técnico da Consellería de Economía, Emprego e Industria