De conformidade coa Lei 21/2013, do 9 de decembro, de avaliación ambiental, artigo 41, número 3, faise pública a declaración de impacto ambiental do 6 de abril de 2018, relativa ao proxecto de ampliación dunha explotación de galiñas de posta, sita no lugar do Monte da Graña, no concello de Curtis (A Coruña), promovido por Ovos Xalo, S.C.
Esta declaración pódese consultar na seguinte ligazón http://cmaot.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental e Cambio Climático, sitas en Santiago de Compostela (San Lázaro, s/n, planta baixa).
Santiago de Compostela, 26 de abril de 2018
María Cruz Ferreira Costa
Directora xeral de Calidade Ambiental e Cambio Climático