A Alcaldía, mediante o Decreto número 184, do 18 de maio de 2018, e de acordo co disposto no artigo 75 da Lei 2/2016, do 10 de febreiro, do solo de Galicia, e no artigo 186 do Decreto 143/2016, do 22 de setembro, polo que se aproba o Regulamento da Lei 2/2016, aprobou inicialmente o expediente do Plan especial de dotacións: equipamento asistencial Fudace, en Castro de Ribeiras de Lea (Castro de Rei), redactado pola arquitecta Gloria Trigo Mayor, con data de maio de 2018, e presentado por iniciativa de Luis Abelleira Mayor, en representación de Fundación de Dano Cerebral.
O expediente sométese a información pública polo prazo de dous (2) meses contados desde a súa publicación no Diario Oficial de Galicia e nun dos xornais da provincia, co fin de que durante o citado período as persoas que dalgún xeito se consideren afectadas poidan examinalo nas oficinas do Concello, en Castro de Rei, das 10.00 ás 14.00 horas, de luns a venres, e formular por escrito as reclamacións ou observacións que consideren oportunas.
Castro de Rei, 4 de xuño de 2018
Francisco Javier Balado Teijeiro
Alcalde presidente