Ao non ser atopado no enderezo coñecido por esta xefatura territorial os titulares da empresa que se indica a seguir, notifícase no Boletín Oficial del Estado, ao abeiro do artigo 44 da Lei 39/2015, do 1 de outubro, do procedemento administrativo común das administracións públicas, o fin da suspensión cautelar e a reiniciación da tramitación do expediente sancionador de referencia ao ter entrada, no Rexistro Único do Edificio Administrativo da Xunta de Galicia en Vigo, a copia da sentenza firme ditada polo Xulgado do Penal número 2 de Pontevedra, recaída no procedemento núm. 321/2016, polo accidente laboral do traballador Secundino Casal Riveiro.

Dispón dun prazo de dez (10) días hábiles, contados desde o seguinte ao da publicación desta cédula no Boletín Oficial del Estado, para examinar o expediente nas dependencias desta xefatura territorial, Servizo de Emprego e Economía Social, Sección de Sancións, sitas na rúa Concepción Arenal, 8, 2º andar, en Vigo (Pontevedra), das 9.00 ás 14.00 horas, de luns a venres. Transcorrido este prazo, procederase a ditar resolución.

Os documentos que constan nos expedientes son:

• Acta de infracción.

• Xustificante da notificación (3.7.2013).

• Escrito de alegacións (18.7.2013).

• Copia da sentenza xudicial.

Expediente: RL 2013/0147-4.

Acta núm. I362013000060096.

Empresa: Obras y Servicios Aller, S.L.

NIF/DNI: B-70322755.

Enderezo: Fondevila-Pantiñobre; Arzúa (A Coruña).

Vigo, 11 de xuño de 2018

Ignacio Rial Santomé
Xefe territorial de Pontevedra