Mediante Resolución do 29 de decembro de 2017, da Secretaría Xeral da Igualdade (DOG núm. 18, do 25 de xaneiro de 2018), establecéronse as bases reguladoras e convocáronse para o ano 2018 as subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade.

Segundo o artigo 14.3 das bases reguladoras, por tratarse dun procedemento de concorrencia competitiva e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 12.2 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder as subvencións para o desenvolvemento de programas dirixidos a mulleres en situación de especial vulnerabilidade que se indican no anexo I pola contía resultante logo da aplicación do establecido no artigo 5.6 das bases reguladoras, por un importe total de 1.580.700,27 euros, con cargo á aplicación orzamentaria que se indica a seguir:

Aplicación	Código proxecto	Importe
05.11.313B.481.2	2015 00142	1.580.700,27

Estas subvencións están cofinanciadas polo Fondo Social Europeo, nunha porcentaxe do 80 %, a través do programa operativo FSE Galicia 2014-2020, no obxectivo temático 9 (promover a inclusión social, loitar contra a pobreza e calquera forma de discriminación), prioridade de investimento 9.3 (a loita contra toda forma de discriminación e o fomento da igualdade de oportunidades), obxectivo específico 9.3.1 (aumentar a integración socio laboral das persoas pertencentes a colectivos máis vulnerables, a través de actuacións que fomenten a igualdade de xénero e a conciliación da vida persoal e laboral, evitando á súa vez a discriminación múltiple).

Segundo. Excluír e declarar desistidas as solicitudes que se relacionan no anexo II, con indicación da causa específica, por non cumpriren o requisito de emenda e/ou achega dos documentos preceptivos no prazo establecido, segundo o disposto no artigo 11.1 das bases reguladoras, ou ben por non cumpriren algún dos requisitos establecidos nas referidas bases reguladoras.

Terceiro. De acordo co establecido no artigo 14.4 das bases reguladoras, unha vez notificada a resolución de concesión, a entidade beneficiaria deberá comunicar no prazo de dez (10) días a súa aceptación, e comprometerse a executar o programa ou actuación subvencionada no prazo e nas condicións establecidas na convocatoria. No caso de non comunicar o dito aspecto no prazo indicado, entenderase tacitamente aceptada.

Cuarto. Informar as entidades beneficiarias de que a aceptación da subvención comunitaria implicará a súa aparición na lista pública de operacións cos nomes dos beneficiarios ou beneficiarias, no suposto de seren entidades xurídicas, así como a outra información recollida no anexo XII do Regulamento (UE) 1303/2013, en relación co artigo 115.2 da mesma norma xurídica.

Quinto. Segundo o artigo 3 das bases reguladoras, estas subvencións son incompatibles con calquera outra axuda pública para a mesma actuación ou actividade.

Sexto. De conformidade co artigo 18.2 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez notificada a resolución de concesión. O 20 % restante, ou a parte que corresponda, librarase logo da xustificación polas entidades beneficiarias do cumprimento da finalidade para a cal se concedeu a subvención e demais condicións esixidas na Resolución do 29 de decembro de 2017.

Sétimo. A data límite de presentación da documentación xustificativa da realización do programa subvencionado, de acordo co artigo 17.1 das bases reguladoras, é o 11 de outubro de 2018.

As actuacións correspondentes aos programas subvencionados xustificaranse a través das modalidades de custos simplificados previstas nos artigos 67 e 68 do Regulamento (UE) 1303/2013 e no artigo 14 do Regulamento (UE) 1304/2013, segundo módulo ou custo unitario por hora efectivamente traballada, calculado sobre o custo directo de persoal máis un 20 % en concepto de gastos directos e indirectos derivados do programa.

O período de referencia para o desenvolvemento do programa e para a imputación dos gastos subvencionables é o comprendido entre o 1 de outubro de 2017 e o 30 de setembro de 2018.

Oitavo. As entidades beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 19 das bases reguladoras e demais que resulten exixibles segundo a normativa de aplicación e, en particular, as seguintes:

– Destinar os fondos percibidos ao obxecto concreto para o cal foron concedidos, executar e acreditar a realización do programa, actuacións e actividades que fundamentan a concesión da subvención dentro do período e prazos establecidos na Resolución do 29 de decembro de 2017, así como o cumprimento dos requisitos, condicións e obrigas que resultan da normativa de aplicación.

– Manter unha pista de auditoría suficiente, dispoñer dos libros contables, rexistros dilixenciados e demais documentos debidamente auditados nos termos exixidos pola lexislación mercantil e sectorial aplicable ao beneficiario en cada caso, e manter de forma separada na contabilidade os ingresos da axuda percibida e conservar toda a documentación relativa á subvención durante, polo menos, un período de tres anos, a partir do 31 de decembro seguinte á presentación das contas en que estean incluídos os gastos da operación ante a Comisión Europea. O comezo deste prazo será oportunamente comunicado pola Dirección Xeral de Política Financeira, Tesouro e Fondo Europeos.

– Dar cumprimento á obriga de dar adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e no anexo XII do Regulamento (UE) núm. 1303/2013, do Parlamento Europeo e do Consello. Así, en todo tipo de publicidade e información relativos á actuación e actividades subvencionadas, terá que constar a condición de subvencionada pola Secretaría Xeral da Igualdade e polo programa operativo FSE Galicia 2014-2020.

En todo caso, nos espazos de atención ás usuarias e nas comunicacións contarán co emblema da Unión Europea coa referencia ao Fondo Social Europeo; e nos lugares de realización da actuación informarase do apoio dos fondos a través dun cartel dun tamaño mínimo A3 nun lugar destacado e visible. Tamén se informará na páxina web, no caso de dispoñer dela, sobre o proxecto e a axuda financeira recibida da Unión Europea e sobre os obxectivos e resultados da operación financiada.

– Informar as persoas destinatarias de que as actuacións en que participan están financiadas pola Xunta de Galicia (Secretaría Xeral da Igualdade) e polo programa operativo FSE Galicia 2014-2020, así como dos obxectivos dos fondos. Os emblemas deberán figurar, como mínimo, en todo o material e nos documentos que se utilicen ou entreguen ás usuarias ou participantes.

– Adecuar a metodoloxía de recolla e proceso de datos de seguimento e de acreditación da realización da actividade de persoas beneficiarias ás fórmulas requiridas a través da aplicación Participa 1420, realizando as actuacións precisas para recoller a información suficiente relativa ao desenvolvemento das actuacións que permita dar cumprimento aos requisitos de información a través de indicadores de produtividade e resultados enumerados no artigo 5 do Regulamento (UE) núm. 1304/2013 do Parlamento Europeo e do Consello, do 17 de decembro, relativo ao FSE. Neste senso, na súa cobertura deberá respectarse o principio de integridade dos datos.

Os datos dos indicadores de produtividade relativos ás entidades e ás persoas participantes referiranse ao momento inmediatamente anterior á súa participación no programa dentro do período subvencionable, mentres que os indicadores de resultado inmediato deberán referirse á situación dentro das catro semanas seguintes á finalización da súa participación nese período. Así mesmo, a Administración poderá requirir a actualización destes datos no prazo de seis meses desde que finalice esta actividade, coa finalidade de formalizar os indicadores de resultado a longo prazo descritos no antedito regulamento. Para estes efectos, facilitarase ás entidades beneficiarias o acceso á aplicación Participa 1420.

Para dar cumprimento a estes requisitos de información, as entidades beneficiarias deberán introducir os datos do perfil cos indicadores de produtividade e de resultado das persoas participantes na aplicación Participa 1420. Así mesmo, as entidades beneficiarias deberán custodiar a ficha individualizada de seguimento cos indicadores de produtividade, máis a dos de resultado inmediato de cada unha das persoas participantes, asinada pola participante e pola persoa responsable da entidade, segundo o modelo dispoñible na páxina web da Secretaría Xeral da Igualdade.

– Cumprir coa normativa de protección de datos de carácter persoal vixente. Os datos de carácter persoal das persoas usuarias ou participantes nas actuacións subvencionadas incorporaranse ao ficheiro de datos de carácter persoal da Secretaría Xeral da Igualdade a que se refire o artigo 25 das bases reguladoras. En todo caso, deberá constar necesariamente a autorización expresa da persoa interesada para o tratamento e incorporación dos seus datos de carácter persoal, e a entidade beneficiaria da axuda será a responsable de recadar e custodiar a dita documentación.

– Comunicar ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidas polas entidades beneficiarias e, de ser o caso, a obtención concorrente de subvencións ou axudas para a mesma finalidade procedentes de calquera Administración ou ente público nacional ou internacional.

– Facilitar toda a información requirida pola Secretaría Xeral da Igualdade, polos órganos verificadores que se establezan en aplicación dos artigos 72, 73 e 74 do Regulamento (UE) núm. 1303/2013 do Parlamento Europeo e do Consello, do 17 de decembro, así como pola Intervención Xeral da Comunidade Autónoma, o Tribunal de Contas, o Consello de Contas e outros órganos de control impostos pola normativa comunitaria no exercicio das súas funcións de fiscalización e control.

– Someterse ás actuacións de comprobación que efectuará a Secretaría Xeral da Igualdade, así como a calquera outra actuación de control que poidan realizar os órganos competentes, tanto autonómicos como estatais ou comunitarios, para o cal se achegará canta información lle sexa requirida no exercicio das actuacións anteriores. En especial, por tratarse de axudas cofinanciadas con Fondo Social Europeo, a entidade beneficiaria quedará sometida ás verificacións que poidan realizar os organismos implicados na xestión e seguimento do programa operativo FSE Galicia 2014-2020, que incluirán as oportunas visitas sobre o terreo.

No artigo 21 das bases reguladoras establécense os criterios de graduación dos posibles incumprimentos para determinar a cantidade que se minorará ou reintegrará.

Noveno. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes, contado desde o día seguinte ao desta publicación, de conformidade co establecido nos artigos 112, 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 8 de xuño de 2018

Susana López Abella
Secretaria xeral da Igualdade

ANEXO I

Concesións

Nº expte.	Entidade solicitante (por número de expediente)	NIF	Denominación do programa	Nº total de horas imputadas ao programa	Nº mínimo de usuarias	Nº mínimo de usuarias atención continuada	Ptos.	Importe da concesión
SI427A 2018/01	Axuda, Atende e Acolle (Axatac)	G70442561	Alfabetización II	1.720	40	24	30	11.956,44
SI427A 2018/02	Acción Familiar Ferrol (AFA Ferrol)	G15745466	Reinvéntate, programa de apoio integral a mulleres en situación de especial vulnerabilidade	876	20	12	63	13.451,89
SI427A 2018/03	Alar Galicia	G15775901	Súmate 2017-2018: programa integral de apoio a mulleres monoparentais	1.720	40	24	73	28.016,07
SI427A 2018/04	Fundación Érguete Integración	G36861078	Proxecto E.V.A. (Emprego-Visibilidade-Autonomía)	1.910	44	26	73	30.794,44
SI427A 2018/05	Asociación pola Igualdade e a Coeducación (Apico)	G94088549	Programa Apico 2017-2018: plan de loita, información e apoio integral para as vítimas de violencia de xénero	1.950	46	28	67	31.143,92
SI427A 2018/06	Asociación Mirabal	G70312954	Programa Mimosa 2017-2018	1.000	23	14	80	19.851,19
SI427A 2018/07	Asociación de Viudas María Andrea	G32014334	Apoiando na soidade	1.060	25	15	51	13.072,93
SI427A 2018/08	Fundación Amigos de Galicia	G15859911	Recursos integrais para mulleres vulnerables	1.920	45	27	65	30.626,75
SI427A 2018/09	Alume Saúde Mental	G27198977	Programa pluriasistencial de apoio e rehabilitación con aloxamento para mulleres en situación de especial vulnerabilidade con enfermidade mental	1.720	15	15	72	27.976,83
SI427A 2018/10	Asociación Down Ourense	G32311870	Programa de atención integral dirixido a mulleres con discapacidade intelectual e Síndrome de Down	537:30	13	8	59	9.052,18
SI427A 2018/11	Rede de Mulleres contra os Malos Tratos de Vigo	G36928646	Xuntas	440	10	6	53	6.675,51
SI427A 2018/12	Federación de Asociacións de Mulleres Rurais de Galicia (Fademur)	G70101647	Servizo integral para mulleres do rural en situación de vulnerabilidade	1.747	41	25	56	24.094,33
SI427A 2018/13	Asociación Dignidad Galicia	G15500853	Acompañamento social a mulleres en situación de exclusión social	2.580	60	36	49	28.870,85
SI427A 2018/14	Mulleres en Igualdade de Burela	G27441153	PRIAPE para mulleres en situación de vulnerabilidade. Muller: o teu traballo, a túa liberdade	2.572	60	36	81	40.000,00
SI427A 2018/15	ONG Mestura	G15940414	Neneiras	1.984	46	28	77	36.014,05
SI427A 2018/16	Aliad Ultreira	G27021120	Aliadas	1.905	44	26	77	34.857,83
SI427A 2018/17	Asociación Síndrome de Down Teima de Ferrol	G15458060	Mulleres teimudas: apoio na etapa adulta ás mulleres coa Síndrome de Down e/ou discapacidade intelectual	644	15	9	57	10.308,57
SI427A 2018/18	Aspnais-Asociación de Padres o Tutores de Personas con Discapacidad Intelectual de Lugo	G27018365	Autodeterminación e empoderamento para a igualdade de mulleres con discapacidade intelectual	1.494	35	21	22	6.825,61
SI427A 2018/19	CIMO Entidade Prestadora de Servizos	G32010449	Actívate	528:30	12	7	51	7.521,41
SI427A 2018/20	Viraventos	G70136429	A.S.I. proxecto para acompañamento social integral a mulleres inmigrantes con fillos/as de 0 a 3 anos	800	19	11	57	12.263,87
SI427A 2018/21	Auxilia Delegación Lugo	G08317059	Diversas pero iguais III	550	13	8	55	9.051,89
SI427A 2018/22	Adicam.-Asociación de Diagnosticadas de Cancro de Mama	G36380301	Programa de empoderamento destinado a mulleres en situación de vulnerabilidade	917	21	13	77	18.346,37
SI427A 2018/23	Asociación de Axuda ao Toxicómano Érguete	G36642726	Mírate: programa de intervención desde unha perspectiva de xénero con mulleres privadas de liberdade	1.121	26	16	77	21.755,62
SI427A 2018/24	Congregación Siervas de la Pasión	R0800086A	Atención psicosocial a mulleres xestantes e/ou lactantes con nenos/as menores de dous anos	1.720	15	15	79	31.844,59
SI427A 2018/25	Asociación de Axuda ao Enfermo Mental A Mariña	G27262799	Coidando de min II	668	16	10	44	7.308,36
SI427A 2018/26	Asociación Redmadre Coruña	G70180229	Briana	1.710	40	24	79	31.677,47
SI427A 2018/27	Federación de Asociacións de Persoas Xordas de Galicia (FAXPG)	G15068091	Recursos especializados para mulleres xordas	953	22	13	63	14.417,01
SI427A 2018/28	Asociación Nós Mesmas	G27718907	Servizo Nós Mesmas: orientación, formación e asesoramento social, psicolóxico e laboral a mulleres LBT	966	22	13	47	11.934,14
SI427A 2018/29	Asociación Punto Delas-Secretaría das Mulleres	G70370119	Punto Delas	2.911	68	41	59	38.801,62
SI427A 2018/30	Fundación Monte do Gozo-Proxecto Home Galicia	G15258213	Programa educativo-terapéutico para a inserción sociolaboral de mulleres drogodependentes	1.720	15	15	71	27.937,59
SI427A 2018/31	Asociación de Amigos da Cultura e do Ocio Aires Nosos	G32369696	Senectus III	600	14	8	30	4.937,40
SI427A 2018/32	Asociación de Coaching para el Desarrollo Social y Comunitario Daleth	G70480595	Programa Daleth 2017/2018 para mulleres en situación de especial vulnerabilidade: Volvoreta II	1.600	37	22	63	22.123,89
SI427A 2018/33	Asociación Pro Saúde Mental A Creba	G15476310	Apoio integral a mulleres das comarcas de Muros, Noia e Barbanza	645	15	9	64	10.595,78
SI427A 2018/34	Fundación Ronsel	G15752660	Xerentas, o empoderamento da muller a través do emprendemento e da economía social	645	15	9	39	6.919,97
SI427A 2018/35	Asociación Amicos	G15747678	Programa mulleres, discapacidade e prevención de maltrato	1.392	32	19	52	16.579,91
SI427A 2018/36	Confederación Galega de Persoas con Discapacidade (Cogami)	G32115941	Servizo de atención especializada á muller con discapacidade	2.685	62	37	77	40.000,00
SI427A 2018/37	Asociación Educando en Familia	G27437581	Programa de recursos integrais específicos para mulleres xestantes ou lactantes con fillos ou fillas menores de tres anos, en situación de especial vulnerabilidade	1.203	28	17	62	17.511,27
SI427A 2018/39	Asociación Integrados	G15973357	Servizo de formación e integración para mozas con discapacidade intelectual	884	21	13	42	7.387,00
SI427A 2018/40	Federación Provincial de Mulleres Rurais de Ourense (Femuro)	G32237869	Femuro concilia e emprega	1.912	44	26	87	39.311,05
SI427A 2018/41	Asociación Íntegro das Persoas con Diversidade Funcional da Costa da Morte	G15173263	PIMD rural	1.914	45	27	75	34.929,76
SI427A 2018/42	Asociación Down Coruña	G15731466	Espazos de escoita	135	3	2	41	2.736,89
SI427A 2018/43	Unión Xeral de Traballadores de Galicia (UGT Galicia)	G15383011	Servizo de atención a mulleres (S.A.M.)	1.311:14	30	18	42	12.604,73
SI427A 2018/44	Cáritas Diocesana de Santiago-Interparroquial A Coruña	R1500053B	Programa materno-infantil	1.720	15	15	42	16.020,39
SI427A 2018/45	Asociación Xarela Formación-Animación	G32261307	Valor-es	960	22	13	70	16.784,87
SI427A 2018/46	Down Pontevedra Xuntos	G36164887	Programa de empoderamento de mulleres no colectivo da Síndrome de Down e discapacidade intelectual	860	20	12	69	15.283,33
SI427A 2018/47	Asociación de Mulleres Arandeira	G32261679	Programa de empoderamento e atención integral ás mulleres do rural	559	13	8	66	10.764,09
SI427A 2018/48	Fundación Juan Soñador	G24452435	Proxecto de atención psicosocial e xurídica para mulleres migrantes en situación de vulnerabilidade	516	12	7	42	5.959,77
SI427A 2018/49	Asociación Ámbar das Persoas con Diversidade Funcional	G15052434	OIGO. Programa integral de empoderamento e autoestima para mulleres con diversidade funcional	731	17	10	48	9.518,81
SI427A 2018/50	Asociación de Mulleres Anel	G32207516	Servizo de atención ás mulleres maiores que viven soas ou con persoas dependentes ao seu cargo	1.118	26	16	78	21.744,73
SI427A 2018/51	Saúde Mental FEAFES Galicia	G15545353	Atención integral a mulleres con enfermidade mental en situación de vulnerabilidade	2.037	47	28	77	37.063,81
SI427A 2018/52	Ecos do Sur	G15354483	Apoio a nais VI	1.915	45	27	80	35.142,67
SI427A 2018/53	Asociación Síndrome de Down de Lugo	G27202043	Fortalecemento de capacidades persoais e sociais das mulleres do colectivo Down da provincia de Lugo	1.505	35	21	55	21.021,86
SI427A 2018/54	Asociación Labregas	G15945686	Sensibilización e prevención social e dinamización comunitaria	3.370	78	47	61	40.000,00
SI427A 2018/55	Federación de Asociacións de Mulleres Anaral	G32362279	Servizo de apoio ás mulleres anciás que viven soas ou con persoas dependentes ao seu cargo	1.118	26	16	83	21.940,93
SI427A 2018/56	Federación Galega de Redeiras Artesás O Peirao	G15969868	Coñece os teus dereitos e obrigas	756	18	11	37	7.769,02
SI427A 2018/57	Asociación Nacional de Mujeres de la Pesca (Ammupesca)	G70490115	Conciliamar	576	13	8	24	3.348,29
SI427A 2018/58	Fundación CUME para el Desarrollo de Culturas y Pueblos	G36797579	CUME atención integral a mulleres (CATIM)	981	23	14	43	9.884,55
SI427A 2018/60	Asociación de Ayuda a la Vida (Ayuvi)	G36802536	Ti podes	1.440	33	20	71	23.843,15
SI427A 2018/61	Asociación Menthor	G94151602	Muxela	840	20	12	56	12.725,99
SI427A 2018/62	Asociación Redmadre Pontevedra	G27707686	Nais e fill@s	1.914:47	45	27	73	30.864,38
SI427A 2018/63	Andaina Pro Saúde Mental	G70264999	Atención integral no ámbito da saúde mental para mulleres do rural	1.010	23	14	75	19.822,11
SI427A 2018/64	Patronato Concepción Arenal	G15030372	II Programa mediación en mobilidade humana para mulleres usuarias da casa de acollida Patronato Concepción Arenal	2.900	26	26	63	38.820,71
SI427A 2018/65	Asociación Diversidades	G27783950	AM Drepturi	650	15	9	65	12.055,54
SI427A 2018/66	Cáritas Diocesana Tui-Vigo	R3600368I	Agarimo III	1.062	25	15	62	15.743,98
SI427A 2018/67	Asociación para a Prevención e a Educación Social (APES)	G32383549	Ser muller.es	160	4	2	54	3.342,40
SI427A 2018/68	Down Vigo: Asociación para a Síndrome de Down	G36697324	Recursos integrais de atención especializada e grupal de mulleres coa Síndrome de Down e discapacidade intelectual	1.720	40	24	73	28.016,07
SI427A 2018/71	Asociación Penitenciaría Concepción Arenal	G27119809	Atención integral a mulleres en situación pre, intra e post penitenciaria	1.850	43	26	74	29.956,30
SI427A 2018/72	Asociación Centinelas	G70390745	100 % muller 2018	1.928	45	27	56	25.957,56
SI427A 2018/73	Asociación de Empresarias de Galicia	G27826999	Escola de formación Ilusionadas	30	1	1	13	626,70
SI427A 2018/74	Acción Laboral	V09409749	Proxecto Boudica I	2.400	56	34	54	27.186,95
SI427A 2018/75	Asociación Cultural Os Tres Reinos	G32345274	Por elas	960	22	13	60	14.387,03
SI427A 2018/76	Federación EFA Galicia	G15299357	Mulleres con proxecto	1.266	29	17	55	18.026,23
SI427A 2018/77	Asociación Faraxa pola Abolición da Prostitución	G27728658	Proxecto Importas	1.409	33	20	48	16.600,52
SI427A 2018/78	ACADAR. Asociación de Mulleres con Discapacidade de Galicia	G70223417	Programa Mergúllate	1.914	45	27	80	35.125,96
SI427A 2018/79	Asociación Antonio Noche	G15210388	Confeccionando o teu futuro	1.965	46	28	71	31.357,13
SI427A 2018/80	Asociación de Ayuda y Atención al Preso de A Coruña	G15414667	Programa Silvia	1.075	25	15	62	15.750,34
SI427A 2018/81	Asociación de Mulleres Algueirada	G32354227	Servizo de atención a mulleres anciás que viven soas ou con persoas dependentes ao seu cargo	1.118	26	16	83	21.940,93
SI427A 2018/82	Asociación de Mulleres en Igualdade de Vigo	G27712306	Violencia de xénero, unha realidade oculta	1.280	30	18	57	18.280,19
SI427A 2018/83	Asociación Redmadre Ourense	G32394082	Proxecto nais e fillos/as	910	21	13	67	15.936,00

ANEXO II

Solicitudes denegadas e desistidas

Nº expte.	Entidade	NIF	Programa	Causa inadmisión/denegación
SI427A 2018/38	Federación Alzheimer Galicia	G15656739	Obradoiros de igualdade Coidadores	Artigo 4.1.a) das bases reguladoras: non acredita estar inscrita na área de igualdade do Rexistro Único de Entidades Prestadoras de Servizos Sociais (RUEPSS).
SI427A 2018/59	Asociación de Pais de Persoas con Discapacidade Intelectual (ASPAS)	G15031537	Mulleres visibles	Artigo 11.1 das bases reguladoras: non emenda toda a documentación requirida mediante a Resolución do 20 de abril de 2018 (DOG núm. 85, do 3 de maio).
SI427A 2018/69	Asociación Socioeducativa para la Educación (Aseduc)	G70067830	Habilidades persoais, sociais, educativas para a mellora de emprego con mulleres en situación de vulnerabilidade	Artigo 4.1.a) das bases reguladoras: non acredita estar inscrita na área de igualdade do Rexistro Único de Entidades Prestadoras de Servizos Sociais (RUEPSS).
SI427A 2018/70	Almat, Asociación de Loita contra os Malos Tratos	G15717721	Terapia de grupo saúde nas mulleres	Artigo 11.1 das bases reguladoras: non achega a documentación requirida mediante a Resolución do 20 de abril de 2018 (DOG núm. 85, do 3 de maio).
SI427A 2018/84	Asociación Sustinea	G32422834	Construíndo futuro	Artigo 7.1 das bases reguladoras: solicitude presentada fóra de prazo.
SI427A 2018/85	Asociación Valoresc Innovation	G70377585	Punto Galicia Muller	Artigo 7.1 das bases reguladoras: solicitude presentada fóra de prazo.
SI427A 2018/86	Fundación Mujeres	G80974702	Mulleres laborando	Artigo 7.1 das bases reguladoras: solicitude presentada fóra de prazo.