De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), logo de ser intentada sen éxito a notificación persoal a través do servizo de Correos, notifícaselles ás persoas interesadas que se sinalan no anexo deste anuncio, a proposta de resolución do expediente PSC-PO-1139/2017-PRE e un máis.

A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE), polo que o prazo para presentar alegacións se computará desde esa publicación.

As persoas interesadas poderán comparecer nas oficinas da Xefatura Territorial da Consellería do Mar, sitas na rúa Concepción Areal, 8, 4º andar, Vigo, das 9.00 ás 14.00 horas, de luns a venres, para o coñecemento íntegro da proposta de resolución e constancia de tal coñecemento.

As persoas interesadas dispoñen dun prazo de quince días, contados a partir do seguinte ao da publicación deste anuncio no TEU do BOE, para formular as alegacións e presentar os documentos e informacións que consideren oportunos. No mesmo prazo, ponse o procedemento de manifesto para trámite de audiencia.

Vigo, 26 de xuño de 2018

Sonia Lorenzo Santos
Xefa territorial de Vigo

ANEXO

Nº expediente	Interesado/a	DNI/NIF/NIE	Acto que se notifica	Enderezo
PSC-PO-1139/2017-PRE	Rui Miguel Castro Soares	11619712	Proposta de resolución	Travessa Sâo Pedro, Vilanova de Gaia (Portugal)
PSC-PO-0101/2018-ORS	Pesquera Rodríguez Baz	B36045615	Proposta de resolución	Toledo, 32, Vigo