O Xurado de Expropiación de Galicia foi creado pola Lei 9/2002, do 30 de decembro, de ordenación urbanística e protección do medio rural de Galicia (Louga), que se identifica como o órgano colexiado permanente da Comunidade Autónoma de Galicia especializado nos procedementos para a fixación do prezo xusto na expropiación forzosa, cando a Administración expropiante sexa a comunidade autónoma ou as entidades locais do seu ámbito territorial, actuando nas súas funcións con plena autonomía funcional. Esta mesma consideración mantense no artigo 11 da lei actualmente vixente, Lei 2/2016, do 10 de febreiro, do solo de Galicia, que derroga e substitúe a anterior.
O desenvolvemento normativo regulamentario recóllese no Decreto 223/2005, do 16 de xuño, polo que se aproba o Regulamento de organización e funcionamento do Xurado de Expropiación de Galicia, plenamente vixente, que, entre outros aspectos, establece, no seu artigo 1, a natureza e as funcións deste órgano.
O artigo 4.7 do citado regulamento establece, respecto da composición do xurado, que os distintos organismos, entidades e colexios profesionais proporán, cada un deles, un representante que actuará como vogal titular. Así mesmo, queda prevista a designación, do mesmo xeito, dun vogal suplente que actuará en caso de vacante, ausencia, enfermidade ou calquera outra causa que imposibilite a asistencia daquel titular.
O artigo 4.8 do citado regulamento di que os vogais aos que se refire o parágrafo anterior poderán ser substituídos polas entidades, organizacións e asociacións que os designase, e que os así nomeados permanecerán no seu cargo, como máximo, polo tempo que lle restase ao substituído para o cumprimento do seu mandato.
En virtude das ordes do 5 de maio, do 9 de xullo e do 17 de xullo de 2014 polas que se nomean vogais do Xurado de Expropiación de Galicia (publicadas no DOG dos días 12 de maio, 28 de xullo e 30 de xullo de 2014), realizouse o nomeamento de vogais, titulares e suplentes, en representación de varios destes organismos e entidades. Esgotada a vixencia do seu mandato e despois de realizar os trámites formais de solicitude de designación aos organismos e entidades sinaladas no anteriormente mencionado artigo 4, estas achegaron a súa proposta, dado que os anteriores nomeamentos estaban xa vencidos.
Por todo iso,
DISPOÑO:
Artigo único
Noméanse as persoas que se relacionan no anexo, como vogais do Xurado de Expropiación de Galicia, por un período de catro anos.
Santiago de Compostela, 9 de xullo de 2018
Ethel María Vázquez Mourelle
Conselleira de Infraestruturas e Vivenda
ANEXO
Vogais do Xurado de Expropiación de Galicia segundo o disposto no artigo 4.2.c), d), e) e f) do Decreto 223/2005, do 16 de xuño.
– En representación da Consellería de Facenda.
Titular: Xan Xosé Castro Dapena.
Suplente: Carlos Darriba López.
– En representación da Federación Galega de Municipios e Provincias.
Titular: César López Arribas.
Suplente: Miguel Fernández Solís.
– En representación do Consello Galego de Consumidores e Usuarios.
Titular: Rosa Rodríguez Vales-Villamarín.
Suplente: Yolanda Pérez Rivera.
– En representación do Colexio Oficial de Enxeñeiros Agrónomos de Galicia:
Titular: José Carlos González Cabo.
Suplente: José Antonio Rivas Paz.
– En representación do Colexio Oficial de Enxeñeiros Industriais de Galicia:
Titular: Manuel Aurelio Colmenero Guzmán.
Suplente: José Ángel Alonso Guerrero.
– En representación do Colexio Notarial de Galicia:
Titular: Manuel Remuñán López.
Suplente: Mª del Carmen Carreira Simón.
– En representación do Colexio de Economistas de Galicia:
Titular: Enrique Domínguez Docampo.
Suplente: Carlos Díaz Pérez.
– En representación do Colexio de Enxeñeiros de Minas do Noroeste de España:
Titular: Juan Ricoy Alonso.
Suplente: Enrique García Tamargo.
– En representación do Colexio Oficial de Arquitectos de Galicia:
Titular: José Manuel Alonso Velasco.
Suplente: Alberto de Paula Prieto.