De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícase ás persoas interesadas na relación adxunta por medio do presente anuncio publicado no Boletín Oficial del Estado (BOE), a resolución ditada no expediente de modificación do Acordo da zona de concentración parcelaria da Órrea-Galegos (Riotorto-Lugo), que foi devolta polo servizo de Correos.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.

Os interesados poderán comparecer, no prazo de dez (10) días hábiles contados desde o seguinte ao da publicación deste anuncio no BOE, nas oficinas do Servizo de Infraestruturas Agrarias da Xefatura Territorial da Consellería do Medio Rural de Lugo, sitas na rolda da Muralla, 70, baixo primeiro, Lugo, das 9.00 ás 14.00 horas, de luns a venres, para o coñecemento íntegro da resolución administrativa citada e constancia de tal coñecemento.

Expediente: resolución.

Acto notificado: Resolución da Dirección Xeral de Desenvolvemento Rural do 3 de xullo de 2017, pola que se modifica o Acordo da zona de concentración parcelaria da Órrea-Galegos (Riotorto-Lugo).

Durante o prazo dun mes contado desde o día seguinte á publicación desta resolución no BOE, os interesados poderán interpoñer recurso de alzada contra a mesma ante a Consellería do Medio Rural, na forma legalmente prevista.

Lugo, 20 de xullo de 2018

María Olga Iglesias Fontal
Xefa territorial de Lugo

ANEXO

Número de propietario	Apelidos e nome
127	Fernández Braña, Carmen
127	Fernández Braña, Manuel
210	Freijo Sobrado, Manuel
215	García Fernández, Florinda
273	Gómez Vázquez, Rosendo
381	Pérez Pérez, José
465	Veiga Cotarelo, Salustiano
465	Veiga García, Ana María
465	Veiga García, Francisco Manuel
465	Veiga García, Mª del Carmen
581	Sistemas Enerxéticos Fonseca, S.A.
127	Fernández Braña, Carmen
127	Fernández Braña, Manuel
645	Yáñez Pérez, Mª Luz
645	Yáñez Pérez, Manuel