– 1 posto operario servizos diversos: laboral fixo.
Visto o que por acordo do Pleno de data 30 de novembro de 2017 se aprobou, xuntamente co orzamento municipal, o persoal e a relación de postos de traballo deste Concello para o ano 2018, publicados integramente no Boletín Oficial da provincia de Ourense, nº 6, de data 9 de xaneiro de 2018.
Visto que en maio de 2018 cesou no posto de operario de servizos múltiples o traballador laboral fixo deste Concello Lorenzo Pérez González, por xubilación voluntaria.
Vistos os informes emitidos pola Secretaría-Intervención desta Corporación, así como o disposto nos artigos 91 da Lei 7/1985, do 2 de abril, reguladora das bases de réxime local e no artigo 70 do texto refundido da Lei do estatuto básico do empregado público aprobado polo Real decreto lexislativo 5/2015, de 30 de outubro.
Examinada a documentación que se acompaña, visto o informe de Secretaría, e de conformidade co establecido no artigo 21.1.g) da Lei 7/1985, do 2 de abril, reguladora das bases de réxime local.
Visto que o Pleno da Corporación, en sesión do 26 de xullo de 2018, acordou aprobar a oferta de emprego para 2018, con base orzamentaria,
RESOLVO:
Primeiro. Aprobar a oferta de emprego público deste Concello para o ano 2018, de conformidade co acordado polo Pleno da Corporación en sesión do 26 de xullo de 2018 para o posto de traballo:
Persoal laboral
Categoría laboral |
Especialidade |
Nº de vacantes |
Denominación |
Prazo solicitude |
Oficial |
Servizos diversos (electricidade, fontanaría, manexo de maquinaria, etc.) |
1 |
Operario de servizos diversos |
Anunciarase na convocatoria correspondente |
Segundo. Publicar a oferta de emprego público no taboleiro de anuncios do Concello, na sede electrónica do Concello, e no Diario Oficial de Galicia, para os efectos procedentes.
San Xoán de Río, 9 de agosto de 2018
Luis Castro Álvarez
Alcalde