O órgano competente da Consellería de Política Social ditou a resolución do expediente sancionador número 01/2018-JMRG por infracción da normativa sobre servizos sociais.

Intentada a notificación desta resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE) que previamente se publica no Diario Oficial de Galicia.

Ao abeiro do disposto no artigo 46 da Lei 39/2015, do 1 de outubro, o expediente sancionador está á súa disposición nas dependencias da Dirección Xeral de Inclusión Social, Servizo de Coordinación de Servizos Sociais Comunitarios, situadas no Edificio Administrativo San Caetano, s/n, Santiago de Compostela, onde, no prazo de dez (10) días desde o seguinte ao da data de publicación deste anuncio no BOE, a persoa interesada ou o seu representante legal poderán comparecer para teren coñecemento íntegro da resolución, das 9.00 ás 14.00 horas, de luns a venres, advertíndolles que, de non o faceren, se terán por notificadas.

Comunícaselles que contra a resolución do expediente, que non é definitiva na vía administrativa, cabe a interposición do recurso de alzada, ante a persoa titular da Consellería de Política Social, no prazo dun mes contado desde o día seguinte ao da súa notificación.

Santiago de Compostela, 13 de setembro de 2018

Arturo Parrado Puente
Director xeral de Inclusión Social

ANEXO

Expediente: 01/2018-JMRG.

Interesado: José Manuel Rodríguez González.

DNI: *****110G.

Acto de notificación: Resolución do 28 de agosto de 2018 ditada no expediente sancionador en materia de servizos sociais 01/2018-JMRG.

Preceptos presuntamente infrinxidos: artigo 95 da Lei 13/2008, do 3 de decembro, de servizos sociais de Galicia.

Sanción proposta: artigo 96 da Lei 13/2008, do 3 de decembro.