De conformidade co establecido no artigo 16 da Resolución desta dirección xeral do 2 de abril de 2018, pola que se regula o bacharelato de especialización en idiomas (Pluribach), para o curso 2018/19, esta dirección xeral

RESOLVE:

Primeiro. Autorizar os centros que se relacionan no anexo desta resolución para impartir o programa Pluribach, bacharelato de especialización en idiomas.

Segundo. Contra esta resolución, que esgota a vía administrativa, as persoas interesadas poderán interpor recurso potestativo de reposición ante a persoa titular da Consellería de Educación, Universidade e Formación Profesional, no prazo dun mes contado desde o día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas. De non considerar oportuna a interposición do citado recurso, poderán formular directamente, recurso contencioso-administrativo no prazo de dous meses ante o Tribunal Superior de Xustiza de Galicia, conforme se establece na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de outubro de 2018

Manuel Corredoira López
Director xeral de Educación, Formación Profesional e Innovación Educativa

ANEXO

Centros autorizados

Cód. centro	Nome do centro	Etapas autorizadas	Programa
36010903	CPR Plurilingüe Apóstol Santiago	Bacharelato	Pluribach
15005397	IES Fernando Wirtz Suárez	Bacharelato	Pluribach
15024884	CPR Plurilingüe Rias Altas	Bacharelato	Pluribach
15027721	IES Plurilingüe de Ames	Bacharelato	Pluribach