Visto o expediente para outorgamento da autorización administrativa previa e de construción para a instalación eléctrica que a seguir se describe:
Solicitante: Lidl Supermercados, S.A.U.
Domicilio social: r/ Toneleiros, 15573 Narón, A Coruña.
Denominación: centro de seccionamento para local comercial e o seu anexo.
Situación: concello de Monforte de Lemos.
Características técnicas:
Reforma do actual centro de transformación do cal se alimenta o Lidl para convertelo en centro de seccionamento consistente en:
– Desmontaxe e retirada do transformador existente de 100 kVA.
– Desmontaxe e retirada da cela de protección de MT existente.
– Acondicionamento do centro para a nova cela de liña.
– Instalación dunha nova cela de liña.
– Desmontaxe e retirada da reixa de separación existente.
– Apertura dunha nova porta para garantir o libre acceso desde a vía pública.
Cumpridos os trámites ordenados na Lei 24/2013, do 26 de decembro (BOE núm. 310) , do sector eléctrico, e no título VII, capítulo II, do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), esta xefatura territorial, de acordo cas competencias que resultan dos decretos 135/2017, do 28 de decembro, polo que se crea e establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:
Conceder a autorización administrativa previa e de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realizar as obras das instalacións autorizadas.
O prazo de posta en marcha das instalacións que se autorizan será de doce meses, contados a partir da fecha da última autorización administrativa necesaria para a súa execución.
Contra esta resolución poderase interpor recurso de alzada ante o conselleiro de Economía, Emprego e Industria no prazo dun mes, a partir do día seguinte ao da notificación ou publicación desta resolución. Tamén se poderá interpor calquera outro recurso que considere pertinente o seu dereito.
Lugo, 16 de outubro de 2018
Pilar Fernández López
Xefa territorial de Lugo