De acordo co convenio de colaboración subscrito entre a Xunta de Galicia e a Secretaría de Estado de Seguridade do Ministerio do Interior para a colaboración en materia de formación e actualización do persoal dos corpos de seguridade do Estado destinados na Comunidade Autónoma de Galicia, convócase un curso de piloto de drons dirixido a membros do corpo da Garda Civil con destino na Comunidade Autónoma de Galicia, cuxas bases se especificán a seguir:
Obxectivo do curso.
Tras a realización e superación das probas de coñecementos teóricos e a proba práctica de voo, os alumnos obterán os seguintes títulos e certificacións:
– Título de piloto avanzado de drons (VLOS + EVLOS +BVLOS), outorgado pola escola ATO autorizada por AESA.
– Habilitación para aeronaves con MMD 0-5 kg/5-15 kg.
– Certificado de cualificación para pilotos pertencentes a operadores dos corpos e forzas de seguridade (artigo 3.2.b) do Real decreto 1036/2017, do 15 de decembro) emitido pola Agasp como centro formador, dos devanditos corpos.
Contidos.
Módulo normativo:
• Réxime xurídico xeral do uso de RPAS.
• Réxime específico operacións das FCS.
• Aspectos aplicables da Lei 48/1960, de navegación aérea e da Lei 21/2003, de seguridade aérea e Regulamento da circulación aérea.
• Operacións especializadas de acordo coa Lei orgánica 2/1986.
Módulo teórico-práctico.
Conceptos xerais das aeronaves:
• Clasificación de aeronaves.
• Aeronavegabilidade.
• Partes fundamentais.
• Equipamento e sistemas de control.
Performance da aeronave:
• Principios aerodinámicos.
• Perfís de voo e performance destes.
• Performance da aeronave.
• Planificación.
• Determinación de riscos.
Meteoroloxía:
• Definicións e conceptos xerais.
• Formación de nubes.
• Frontes.
• Turbulencias e refachos.
• Visibilidade.
• Interpretación da información meteorolóxica.
• Previsión meteorolóxica.
Navegación e interpretación de mapas:
• Principios básicos.
• Cartas aeronáuticas: interpretación e uso.
• Navegación DR.
• Tipos de voos: VLOS, EVLOS, BVLOS.
• Sistema GNSS.
Espazo aéreo e servizos de tránsito aéreo:
• Clasificación do espazo aéreo.
• Servizos de información aeronáutica (AIP).
• Organización do ATS en España.
• Espazo aéreo controlado, non controlado e segregado.
• Instrucións ATC.
Comunicacións avanzadas. Radiofonistas:
• Principios de radiotelefonía e comunicacións.
• Procedementos de radio.
• Procedementos de emerxencia.
Sistemas de teledetección:
• Tipos de sensores.
• Técnicas de teledetección.
• A fotogrametría e as súas aplicacións.
• Modelado 3D e orto-rectificación.
Factores humanos para aeronaves pilotadas por control remoto:
• Conciencia situacional.
• Comunicación.
• Carga de traballo, rendemento humano.
• Aspectos de saúde.
Procedementos operacionais:
• Manual de operacións.
• Escenarios operacionais.
• Limitacións.
• Persoal de voo.
• Supervisión da operación.
• Prevención de accidentes.
Operacións especializadas.
Escenarios operacionais para policía:
• Particularidades da operación por policías.
• Escenarios operacionais avanzados.
• Lexislación específica en materia de policía de seguridade.
Autorizacións:
• Definición de escenarios operacionais estándar.
• Análise de riscos de escenarios operacionais.
• Medidas de mitigación de riscos para operación en escenarios complexos (p.e. VLOS en cidade).
• Autorización de operacións.
RPAS, control metrolóxico e aspectos procedementais/procesuais:
• Aspectos sometidos ao control metrolóxico do Estado.
• Descarga de datos; cadea de custodia.
• Aspectos procesuais prácticos no procedemento administrativo.
• Aspectos procesuais prácticos no ámbito xudicial.
Módulo teórico-práctico de voo:
Bloque teórico-práctico:
• Voo básico:
– Manual.
– Automático: modos de voo.
• Voo avanzado:
– Voo en situacións de emerxencia.
– Voos de seguridade e seguimento.
• Probas de aptitude e execución motora.
Desenvolvemento do curso.
O curso ten unha duración de 96 horas lectivas (60 en liña e 36 presenciais), desenvolverase entre o 4 de outubro de 2018 e o 19 de xaneiro de 2019. As sesións teóricas terán lugar na Agasp das 10.00 ás 14.00 horas e das 15.30 ás 19.30 horas.
Formación teórica.
– Módulo introdución 2 horas presencial.
– Módulo normativo 6 horas presencial (4 de decembro de 2018).
– Módulo teórico-técnico 60 horas en liña (do 5 de decembro de 2018 a 10 de xaneiro de 2019).
– Módulo teórico preparatorio exame 6 horas presencial (14 de xaneiro de 2019).
– Exame de coñecementos teóricos 2 horas presencial (14 de xaneiro de 2019).
Formación de voo.
– Módulo teórico-práctico voo 6 horas presencial (15 de xaneiro de 2019).
– Simulador de voo 2 horas presencial (15 de xaneiro de 2019).
– Practica de voo 4 horas presencial (16 e 17 de xaneiro de 2019).
– Exame práctico presencial (16 e 17 de xaneiro de 2019).
Forzas e corpos de seguridade.
– Operacións especializadas 8 horas presencial (18 de xaneiro de 2019).
Número de prazas, destinatarios e criterios de selección.
24 prazas repartidas por provincias da seguinte forma:
– 8 prazas A Coruña.
– 4 prazas Lugo.
– 4 prazas Ourense.
– 8 prazas Pontevedra.
O curso está dirixido ao persoal dos corpos da Garda Civil que prestan servizos na Comunidade Autónoma galega.
O criterio de selección será por orde de inscrición e terán preferencia os solicitantes que cursasen con anterioridade o curso de Xestor de RPAS no exercicio da actividade de policía de seguridade/policía administrativa. Os aspirantes que non obteñan praza pasarán a ocupar un posto de reserva, igualmente por orde de inscrición, e serán chamados no caso de producírense baixas antes de iniciarse o curso.
Inscrición.
A inscrición dos participantes será totalmente gratuíta.
Solicitudes e prazo de presentación de solicitudes.
1. O persoal que desexe participar neste curso deberá cubrir o formulario de matrícula telemática dispoñible na páxina web da Agasp (http://agasp.xunta.es), non se admitirá ningunha outra forma ou modelo de solicitude.
2. A falsidade ou ocultación de datos esenciais para a selección das persoas solicitantes dará lugar á exclusión automática do curso solicitado, así como á imposibilidade de participar en ningún outro curso durante o prazo dun ano computado desde o momento en que se detecte o feito.
3. Serán excluídas automaticamente aquelas solicitudes que non teñan cubertos correctamente todos os datos para realizar a selección do alumnado ou que sexan presentadas fóra de prazo.
4. O prazo de presentación de solicitudes finaliza o día 27 de novembro de 2018, e comeza a partir do día seguinte ao da publicación desta resolución no DOG.
Admisión.
A Agasp publicará na súa páxina web a relación de persoas seleccionadas para participar no curso, así como un número adecuado de reservas, o día 29 de novembro de 2018.
Os/as alumnos/as seleccionados/as serán informados/as da súa selección a través do correo electrónico e da mensaxaría telefónica.
Lugar.
A parte teórica do curso desenvolverase na sede da Agasp.
Modificacións.
A Academia Galega de Seguridade Pública poderá modificar o desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 12 de novembro de 2018
Luis Menor Pérez
Director xeral da Academia Galega de Seguridade Pública