O Pleno da Corporación, na sesión ordinaria do 18 de outubro de 2018, adoptou o seguinte acordo:

«Aprobar definitivamente a modificación do estudo de detalle da parcela N4a01c do quinteiro N do parque empresarial da Sionlla promovido por Terras de Sar, S.L. e redactado por Naos 04 Arquitectos, S.L.P., sen modificacións respecto do inicialmente aprobado.

O estudo de detalle supón a modificación do que consta aprobado definitivamente polo Pleno Municipal do 19 de outubro de 2017.

O acordo de aprobación definitiva publicarase no Diario Oficial de Galicia. Unha vez publicado o acordo, remitirase á Consellería de Medio Ambiente, Territorio e Vivenda a documentación exixida polo artigo 88.3 da Lei do solo de Galicia, para os efectos de inscribir o estudo de detalle no Rexistro de Planeamento Urbanístico de Galicia.

Logo de que conste a inscrición no Rexistro, publicarase a normativa no Boletín Oficial da provincia».

Contra o acordo da aprobación definitiva do citado estudo de detalle poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Santiago de Compostela, 29 de outubro de 2018

O alcalde
P.D. (Decreto DEC/4282/2017, do 28 de xuño)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais