No Servizo de Montes da Xefatura Territorial da Consellería do Medio Rural na Coruña está a tramitarse unha solicitude de cambio de actividade forestal a agrícola (CFA 126/2016), promovida por Ganadería Marcote, S.C. e Ganadería Sanmartin, S.C., co obxectivo de implantar pastos para ampliar a base territorial das dúas explotacións.
As parcelas afectadas son as número 1 e 129 do polígono 32 e a número 1 do polígono 34, abarcando unha superficie total de 1.289.685 m², situadas na parroquia de Berdoias, pertencente ao municipio de Vimianzo.
Esta actuación está regulada pola Lei 7/2012, do 28 de xuño, de montes de Galicia, séndolle tamén de aplicación a Lei 21/2013, do 9 de decembro, de avaliación ambiental, que entre os proxectos que deben ser sometidos a avaliación de impacto ambiental ordinaria regulados no título II, capítulo II, sección 1ª, anexo I, cita:
«Grupo 9: outros proxectos.
b) Calquera proxecto que supoña un cambio de uso do solo nunha superficie igual ou superior a 100 ha».
De acordo co disposto no artigo 36 desa mesma lei, comunícase a exposición pública do proxecto, durante un prazo de 30 días, para que calquera persoa poida consultalo e, se é o caso, presentar alegacións a este, como paso previo ao seu envío á Dirección Xeral de Calidade Ambiental e Cambio Climático, que como órgano ambiental continuará a tramitación de avaliación de impacto ambiental ordinaria e formulará a declaración de impacto ambiental que terá a natureza de informe preceptivo e determinante, e determinará se procede ou non para os efectos ambientais, a realización do proxecto e, no seu caso, as condicións nas cales pode desenvolverse, as medidas correctoras e as medidas compensatorias.
A autoridade forestal é a competente para autorizar a solicitude de cambio de actividade.
Desde o día seguinte á publicación deste anuncio, o proxecto está dispoñible para a súa consulta das 9.00 ás 14.00 horas, no Servizo de Montes desta xefatura territorial, rúa Vicente Ferrer, 2, planta sexta norte, da Coruña, e na sede electrónica da Consellería do Medio Rural (http://mediorural.xunta.gal/areas/forestal).
A Coruña, 20 de novembro de 2018
Mónica López López
Xefa territorial da Coruña