A Xunta de Goberno local celebrada o 7 de setembro de 2018 acordou:
«Primeiro. Aprobar inicialmente o proxecto de expropiación forzosa para obtención do sistema local viario no lugar de Palavea. O importe deste proxecto de expropiación ascende a 1.680,48 €, existindo crédito adecuado e suficiente no orzamento de 2018 con cargo á aplicación 30.151.600.05.
Segundo. Optar polo procedemento de taxación conxunta para a tramitación do expediente.
Terceiro. Requirir os interesados titulares de bens e dereitos afectados para que acheguen os títulos que os acrediten como propietarios delas».
De conformidade co disposto no artigo 118.2 e 3 da Lei 2/2016, do 10 de febreiro, do solo de Galicia, o citado expediente estará exposto ao público por un prazo dun mes, para que aquelas persoas que puidesen resultar interesadas formulen as observacións e reclamacións que consideren convenientes, en particular no que concirne á titularidade ou valoración dos seus respectivos dereitos.
Para estes efectos, indícase que o expediente pode consultarse durante o prazo dun mes nas dependencias da Área de Urbanismo (praza Indalecio Prieto, nº 1, Antigo Cuartel de Intendencia), de luns a venres.
A Coruña, 20 de setembro de 2018
O alcalde
P.D. (Decreto 2964/2017, BOP do 13 de xullo)
Xiao Varela Gómez
Tenente de alcalde de Rexeneración Urbana,
Dereito á Vivenda e Mobilidade Sostible