O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir, para a súa publicación no Diario Oficial de Galicia, unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no terceiro cuadrimestre do ano 2018, que se incorpora como anexo a esta resolución.
Santiago de Compostela, 14 de xaneiro de 2019
Guillermo Evia Pérez
Director do Instituto de Estudos do Territorio
ANEXO
Convenio |
Obxecto do convenio |
Achega económica do IET |
Data de sinatura |
Convenio de colaboración entre o Instituto de Estudos do Territorio e a Fundación Juana de Vega para a elaboración dunha guía de intervención en espazos públicos |
Realizar unha guía de intervención nos espazos públicos, en que queden reflectidos uns criterios básicos de aplicación no deseño, na elección de materiais e nas formas de execución, diferenciando, ademais, entre os diferentes escenarios de paisaxes urbanas, rurais ou naturais |
45.000 euros |
16.11.2018 |
Convenio de colaboración entre o Instituto de Estudos do Territorio, a Consellería de Economía, Emprego e Industria a través da Dirección Xeral de Enerxía e Minas, a Cámara Oficial Mineira de Galicia e a Universidade de Vigo, a través da Escola de Enxeñería de Minas e Enerxía, para a elaboración dunha guía de boas prácticas para a integración paisaxística das actividades extractivas |
Elaborar unha guía de boas prácticas para a integración paisaxística das actividades extractivas coma unha ferramenta que axude á integración na paisaxe con criterios de calidade deste tipo de actividades, que sirva así para avaliar e mellorar a calidade da paisaxe galega. As intervencións previstas están incluídas dentro da nova planificación da Estratexia da paisaxe galega 2017-2020 |
45.000 euros |
16.11.2018 |
Protocolo xeral de actuación entre o Instituto de Estudos do Territorio e a Fundación Galicia Sustentable para a posta en marcha dun modelo de xestión integral da senda dos faros e a súa promoción e divulgación |
Definir o marco xeral de colaboración entre ambas as institucións para procurar a promoción, divulgación e posta en valor da Senda dos Faros como itinerario de interese paisaxístico, en coherencia coa natureza e coas funcións que lle outorgan as directrices de ordenación do territorio e o Plan de ordenación do litoral (POL) |
Sen achega económica |
26.11.2018 |
Acordo de colaboración entre o Instituto de Estudos do Territorio (IET) e a Axencia Tributaria de Galicia (Atriga) para a elaboración de determinacións na base de datos xeográfica empregada pola Axencia Tributaria de Galicia na comprobación de valores de inmobles de natureza rústica |
Establecer as condicións de colaboración entre a Atriga e o IET para a análise da información que permita elaborar os ficheiros informáticos que conteñan a información precisa para xestionar a comprobación de valores dos tributos cedidos/xestionados pola Atriga relativos aos bens inmobles de natureza rústica, así como a xeración dun visor xeográfico web específico para visualizar as determinacións contidas nos devanditos ficheiros |
Sen achega económica |
26.11.2018 |