De conformidade coas propostas elevadas polas comisións nomeadas para xulgar os concursos para a provisión de prazas dos corpos docentes universitarios, convocados mediante Resolución desta universidade do 15 de outubro de 2018 (BOE do 31 de outubro), e presentada polas persoas interesadas a documentación a que fai referencia a base oitava da convocatoria,

Esta reitoría, no uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolveu efectuar os nomeamentos que se relacionan no anexo.

Estes nomeamentos surtirán plenos efectos a partir da correspondente toma de posesión polas persoas interesadas, que deberá efectuarse no prazo máximo de vinte (20) días, contado desde o día seguinte ao da publicación desta resolución no Boletín Oficial del Estado.

Contra a presente resolución, que esgota a vía administrativa, poderase interpor recurso contencioso-administrativo perante o Xulgado do Contencioso-Administrativo de Santiago de Compostela no prazo de dous meses, contado desde o seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes perante o órgano que ditou o acto, sen que neste caso se poida interpor o recurso contencioso-administrativo ata que non recaia resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de xaneiro de 2019

Antonio López Díaz
Reitor da Universidade de Santiago de Compostela

ANEXO

Nº de concurso	Nome	Apelidos	DNI/NIE	Corpo docente	Área de coñecemento	Departamento	Localidade	Código da praza
2375/18	Lourdes	Mella Méndez	****5883F	Catedrática de universidade	Dereito do Traballo e da Seguridade Social	Dereito Público Especial e da Empresa	Santiago de Compostela	A00569
2381/18	Onésimo	Juncos Rabadán	0510****V	Catedrático de universidade	Psicoloxía Evolutiva e da Educación	Psicoloxía Evolutiva e da Educación	Santiago de Compostela	A00575
2389/18	Marta	Carballo Fidalgo	**1145**R	Titular de universidade	Dereito Civil	Dereito Común	Santiago de Compostela	C01788
2392/18	Álvaro	Gil González	****3764M	Titular de universidade	Edafoloxía e Química Agrícola	Edafoloxía e Química Agrícola	Santiago de Compostela	C01791
2395/18	Ángel	García Alonso	3608****L	Titular de universidade	Farmacoloxía	Farmacoloxía, Farmacia e Tecnoloxía Farmacéutica	Santiago de Compostela	C01794
2397/18	Azucena del Carmen	Mora Gutiérrez	**8012**F	Titular de universidade	Microbioloxía	Microbioloxía e Parasitoloxía	Lugo	C01796
2398/18	Víctor	Pereira Lestayo	****2477H	Titular de universidade	Mediciña e Cirurxía Animal	Patoloxía Animal	Lugo	C01797