Pola Resolución da Alcaldía de Ponteceso do 31 de xaneiro de 2019 aprobouse a convocatoria pública e as bases reguladoras do procedemento selectivo para a provisión mediante concurso dun posto de traballo vacante, incluído na oferta pública de emprego deste concello para o ano 2018, aprobada pola Resolución da Alcaldía do 21 de novembro de 2018, e publicada no BOP núm. 224, do 23 de novembro de 2018, denominado:

Clasificación	Denominación	Núm. vacantes
C-Subgrupo C1	Administrativo de Administración xeral-xefe unidade administrativa	1

No Boletín Oficial da provincia da Coruña núm. 25, do 5 de febreiro de 2019, publicouse a convocatoria e as súas bases reguladoras. Poderán participar os funcionarios de carreira ao servizo de calquera das administracións públicas que cumpran os requisitos exixidos.

O prazo para a presentación de solicitudes será de quince (15) días hábiles desde o seguinte hábil ao da publicación deste anuncio no DOG.

Ponteceso, 6 de febreiro de 2019

Xosé Lois García Carballido
Alcalde presidente