Visto o artigo 91.1 da Lei reguladora das bases do réxime local, o artigo 128.1 do Real decreto lexislativo 781/1986 que aproba o texto refundido das disposicións vixentes en materia de réxime local, e o artigo 70 do texto refundido da Lei do Estatuto básico do empregado público e Real decreto 1449/2018 polo que se establece o coeficiente redutor da idade de xubilación dos policías locais.

Visto o Decreto da Alcaldía do 2 de xaneiro de 2019, publicado no DOG número 20, do 29 de xaneiro, proceder a súa ampliación.

Visto o artigo 21.1.g) da Lei reguladora das bases do réxime local, que atribúe a esta alcaldía a aprobación da oferta de emprego público.

Decreto:

Primeiro. Aprobar a oferta de emprego público para este exercicio:

Cinco prazas de axentes da policía local pertencente á escala de Administración especial, subescala servizos especiais e clase de policía local, subgrupo C1. Tres (3) prazas polo sistema de provisión libre e dúas (2) prazas polo sistema de concurso de méritos para a quenda de mobilidade horizontal para o acceso desde outros corpos da policía local da Comunidade Autónoma de Galicia.

Segundo. Publicar a oferta de emprego público na páxina web do Concello, no seu taboeiro de anuncios e no Diario Oficial de Galicia.

Ribadavia, 30 de xaneiro de 2019

José Ignacio Gómez Pérez
Alcalde