Unha vez presentadas as renuncias do presidente titular, un vogal titular e un vogal suplente do tribunal encargado de cualificar o proceso selectivo para o ingreso, pola quenda de promoción interna e cambio de categoría, na categoría 033 (bombeiro/a forestal condutor/a de motobomba) do grupo IV de persoal laboral fixo da Xunta de Galicia, convocado pola Orde da Consellería de Facenda do 18 de setembro de 2017 (DOG núm. 182, do 25 de setembro) e de conformidade co establecido nas bases da convocatoria, esta consellería

DISPÓN:

Primeiro. Aceptar as renuncias presentadas por Gaspar Callejo Calomarde como presidente titular, José Luis Parada Pérez como vogal titular e Javier Díez Suárez como vogal suplente do tribunal encargado de cualificar o proceso selectivo para o ingreso, pola quenda de promoción interna e cambio de categoría, na categoría 033 (bombeiro/a forestal condutor/a de motobomba) do grupo IV de persoal laboral fixo da Xunta de Galicia.

Segundo. Nomear no seu lugar como presidente titular do dito tribunal a Tomás Merino Martínez, persoal funcionario do corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica forestal, como vogal titular a Ángel Casas Pérez, persoal laboral fixo da Xunta de Galicia do grupo IV, categoría 033 e como vogal suplente a Lourdes Vilachán Angueira, persoal funcionario do corpo superior da Administración xeral da Comunidade Autónoma de Galicia, subgrupo A1.

Santiago de Compostela, 7 de febreiro de 2019

Valeriano Martínez García
Conselleiro de Facenda