DCT divorcio contencioso 140/2017
Procedemento de orixe: /
Sobre outras materias
Demandante: Tomás Codesido Rodríguez
Procuradora: Fanny Josefina Crespo Vázquez
Demandada: Pilar Núñez Betanzos
Eu, Eva Manuela García Mallo, letrada da Administración de xustiza do Xulgado de Primeira Instancia e Instrución número 2 de Monforte de Lemos, anuncio que no presente procedemento, seguido por instancia de Tomás Codesido Rodríguez contra Pilar Núñez Betanzos, foi ditada sentenza cuxo teor literal é o seguinte:
«Monforte de Lemos, 16 de novembro de 2018
Vistos por min, César Antonio Saco Figueiras, xuíz do Xulgado de Primeira Instancia e Instrución número 2 de Monforte de Lemos e o seu partido xudicial, os presentes autos de divorcio contencioso número 140/2017, promovidos pola procuradora Sra. Crespo Vázquez, en nome e representación de Tomás Codesido Rodríguez e asistido polo/a letrado/a Sr/a. Tapia Fernández, contra Pilar Núñez Betanzos, en situación de rebeldía procesual, no cal non é parte o Ministerio Fiscal,
Decido:
Estimando a demanda interposta pola procuradora Sra. Crespo Vázquez, en nome e representación de Tomás Codesido Rodríguez contra Pilar Núñez Betanzos, que debo declarar e declaro disolto por causa de divorcio o matrimonio dos litigantes, celebrado o 26 de marzo de 1993 en Monforte de Lemos (Lugo), con todas as medidas legais inherentes a tal declaración.
Como medidas civís, atribúese o uso e desfrute da vivenda familiar a Tomás Codesido Rodríguez.
Acórdase a disolución do réxime económico matrimonial a partir da firmeza desta resolución.
Non se fai especial pronunciamento canto ás custas.
Firme esta sentenza, comuníquese ao Rexistro Civil en que se atope inscrito o matrimonio para a súa inscrición.
Notifíquese a presente resolución ás partes facéndolles saber que contra ela cabe interpor, ante este xulgado, recurso de apelación, dentro dos vinte días seguintes á súa notificación, conforme o disposto na LAC.
Así o pronuncia, manda e asina. Dou fe».
E atopándose a dita demandada, Pilar Núñez Betanzos, en paradoiro descoñecido, expídese este edicto a fin de que lle sirva de notificación en forma.
Monforte de Lemos, 8 de xaneiro de 2019
A letrada da Administración de xustiza
