Os plans de estudo da Universidade de Vigo que se detallan a continuación e que foron publicados no Boletín Oficial del Estado do 11 de xaneiro de 2013, unha vez establecido o carácter oficial dos títulos por acordo do Consello de Ministros, do 12 de novembro de 2010, publicados mediante resolución da Secretaría Xeral de Universidades, do 22 de novembro de 2010 (BOE do 16 de decembro).

De conformidade co que dispón o artigo 28 do Real decreto 1393/2007, do 29 de outubro, modificado polo Real decreto 861/2010, do 2 de xullo, polo que se establece o procedemento para a modificación de plans de estudo xa verificados, e tras obter o informe favorable da Axencia para a Calidade do Sistema Universitario de Galicia á solicitude da Universidade de Vigo de modificación do plan de estudos,

Esta reitoría

RESOLVE:

Publicar o requisito de exixencia de nivel de coñecemento de inglés que afecta aos plans de estudo conducentes á obtención das ensinanzas de grao que se recollen no anexo:

«O alumnado que acceda por primeira vez aos graos impartidos na Escola de Enxeñaría Industrial a partir do curso académico 2018/19 deberá acreditar, antes da solicitude de defensa do traballo de fin de grao, a obtención dun nivel de competencia lingüística en inglés, equivalente polo menos, ao nivel B1 do MCERL».

«Quedará exento de acreditar a dita competencia lingüística o alumnado matriculado con anterioridade ao curso 2018/19».

Vigo, 29 de xaneiro de 2019

Manuel Joaquín Reigosa Roger
Reitor da Universidade de Vigo

ANEXO

Ensinos afectados pola modificación	Código RUCT
Graduado/a en Enxeñaría Eléctrica	2502245
Graduado/a en Enxeñaría Electrónica Industrial e Automática	2502246
Graduado/a en Enxeñaría en Organización Industrial	2502247
Graduado/a en Enxeñaría en Química Industrial	2502248
Graduado/a en Enxeñaría en Tecnoloxías Industriais	2502249
Graduado/a en Enxeñaría Mecánica	2502251
Graduado/a en Enxeñaría Biomédica	2503668