O Pleno da Deputación Provincial de Pontevedra, na sesión extraordinaria que tivo lugar o día 14 de setembro de 2018, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que realizou o Concello de Valga por Acordo do Pleno, na sesión do 19 de marzo de 2018, das facultades de recadación das multas de tráfico e a encomenda de xestión da colaboración na tramitación dos expedientes sancionadores en materia de multas de tráfico, desde o comezo do procedemento sancionador co boletín de denuncia ata o inicio do proceso recadatorio.
A citada delegación será realizada pola Deputación Provincial de Pontevedra a través dos seus servizos tributarios.
O que se fai público para xeral coñecemento e demais efectos.
Pontevedra, 1 de outubro de 2018
O presidente da Deputación Provincial de Pontevedra Carlos López Font |
Carlos Cuadrado Romay Secretario da Deputación Provincial de Pontevedra |