De conformidade coas propostas elevadas polas comisións nomeadas para xulgar os concursos para a provisión de prazas dos corpos docentes universitarios, convocados mediante Resolución desta universidade con data 15 de outubro de 2018 (BOE do 31 de outubro), e presentada polas persoas interesadas a documentación a que fai referencia a base oitava da convocatoria.

Esta reitoría, no uso das atribucións conferidas polo artigo 65 da Lei orgánica 6/2001, do 21 de decembro, de universidades modificada pola Lei orgánica 4/2007, do 12 de abril (BOE do 13 de abril), e o artigo 85 dos Estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolveu efectuar os nomeamentos que se relacionan no anexo.

Estes nomeamentos fornecerán plenos efectos a partir da correspondente toma de posesión polas persoas interesadas, que deberá efectuarse no prazo máximo de 20 días, contados desde o día seguinte ao da publicación desta resolución no Boletín Oficial del Estado.

Contra esta resolución, que esgota a vía administrativa, poderase interpor recurso contencioso-administrativo perante o Xulgado do Contencioso-Administrativo de Santiago de Compostela no prazo de dous meses, contados desde o día seguinte ao da súa publicación no Boletín Oficial del Estado de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes perante o órgano que ditou o acto, sen que neste caso se poida interpor o recurso contencioso-administrativo ata que non recaia resolución expresa ou presunta do recurso administrativo de reposición conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 12 de febreiro de 2019

Antonio López Díaz
Reitor da Universidade de Santiago de Compostela

ANEXO

Nº de concurso	Nome	Apelidos	DNI/NIE	Corpo docente	Área de coñecemento	Departamento	Localidade	Código praza
2384/18	Jesús	Rodríguez Otero	**0644**Q	Catedrático de universidade	Química Física	Química Física	Santiago de Compostela	A00578
2385/18	María Dolores	Pérez Meirás	3264****V	Catedrática de universidade	Química Orgánica	Química Orgánica	Santiago de Compostela	A00579
2387/18	Otilia	Reyes Ferreira	****3121K	Titular de universidade	Ecoloxía	Bioloxía Funcional	Santiago de Compostela	C01786
2396/18	Luisa María	Muñoz Abeledo	333****4W	Titular de universidade	Historia Contemporánea	Historia	Santiago de Compostela	C01795