Visto o expediente para outorgamento de autorización administrativa previa e autorización administrativa de construción da instalación eléctrica que a seguir se describe:
Solicitante: Electra Cuntiense, S.L.
Domicilio social: rúa Balneario, 1, 36670 Cuntis.
Denominación: LMTS, CT Souto.
Situación: Caldas de Reis.
Características técnicas: LMTS con orixe no apoio nº 52 da LMT principal CM Cernadas-Aboi e final no centro de transformación Souto proxectado. A obra ten tres tramos diferenciados.
1. Entroncamento da LMTS no apoio existente de formigón.
2. Tramo de LMT, de aproximadamente 350 metros de lonxitude, con condutor RHZ1 2OL 3×95 AI en canalización enterrada.
3. Centro de transformación de 100 kVA sobre apoio de formigón.
A instalación está situada na zona de Souto, no municipio de Caldas de Reis (Pontevedra).
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Resolución da Consellería de Economía e Industria do 19 de febreiro de 2014, pola que aproba o procedemento de autorización administrativa de construción (DOG núm. 54, do 19 de marzo), así como na Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro), esta xefatura territorial resolve:
Conceder autorización administrativa previa e autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condición establecidas nos condicionados dos organismos que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.
Contra a presente resolución poderá interpoñer recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que considere pertinente ao seu dereito.
Pontevedra, 11 de decembro de 2018
Ignacio Rial Santomé
Xefe territorial de Pontevedra