Ponse en coñecemento dos interesados na reestruturación parcelaria da zona de Santa Baia de Losón (Lalín-Pontevedra) que, con data do 22 de febreiro de 2019, o director xeral de Desenvolvemento Rural aprobou a resolución que a seguir se cita:
«Á vista da disposición transitoria primeira da Lei 4/2015, do 17 de xuño, de mellora da estrutura territorial de Galicia, e en cumprimento do establecido no seu artigo 35, unha vez revisada a documentación e planos que o compoñen, mediante este acto apróbase o acordo da zona de concentración parcelaria de Santa Baia de Losón (Lalín-Pontevedra).
Conforme o establecido no número 3 do artigo 16 da antedita lei, queda disolta a Xunta Local da zona.
A Xefatura Territorial do Servizo de Infraestruturas Agrarias do Departamento Territorial desta Consellería do Medio Rural de Pontevedra disporá a súa notificación e publicación nos termos legalmente establecidos».
Contra esta resolución, que non pon fin á vía administrativa, as persoas interesadas poderán interpor recurso de alzada ante a persoa titular da Consellería do Medio Rural, dentro do prazo dun mes, contado desde o día seguinte ao da recepción persoal ou publicación substitutiva.
Pontevedra, 1 de marzo de 2019
María José Pérez Gil
Xefa do Servizo de Infraestruturas Agrarias de Pontevedra