Mediante o Acordo plenario deste concello, do 31 de xaneiro de 2019, apróbase definitivamente o Plan especial de equipamento en solo rústico de Cela, redactado polo arquitecto Ángel Luis Monteoliva Díaz, de conformidade cos artigos 36.4 e 75 da Lei 2/2016, do solo de Galicia.
O que se fai público de conformidade co establecido no artigo 82.2 da Lei 2/2016, do solo de Galicia.
O enderezo electrónico en que figurará o contido íntegro deste plan especial e que está á disposición de calquera interesado é www.cambre.org.
Este acordo, de conformidade co establecido no artigo 84 da Lei 2/2016, do solo de Galicia, supón a aprobación definitiva dunha disposición administrativa de carácter xeral, polo que non poderá ser obxecto de recurso en vía administrativa, senón tan só do correspondente recurso contencioso-administrativo, de conformidade igualmente co artigo 112.3 da Lei 39/2015, do procedemento administrativo común das administracións públicas.
O prazo para interpoñer o recurso contencioso-administrativo é de dous meses contados desde o día seguinte ao da publicación deste anuncio, e deberá presentalo, perante o Xulgado do Contencioso-Administrativo da Coruña ou a Sala do Contencioso-Administrativo do Tribunal Superior de Xustiza de Galicia, segundo a distribución competencial establecida nos artigos 8 e 10 da Lei 29/1998, do 13 de xullo, reguladora da xurisdición contencioso-administrativa.
Cambre, 11 de febreiro de 2019
O alcalde
P.D. (Resolución 1841/2016, do 18 de novembro)
Juan González Leirós
Concelleiro delegado da Area de Urbanismo,
Obras e Medio Ambiente