Na Xunta de Goberno Local do 21 de febreiro de 2019 adoptouse o seguinte acordo en relación coa oferta de emprego público 2019 do Concello de Guitiriz:

Aprobar a oferta de emprego público deste concello para o ano 2019 que contén os seguintes postos de traballo que deberán convocarse no prazo máximo de 3 anos:

Persoal funcionario:

Denominación Grupo Escala Subescala	Nº vacantes	Acceso	Sistema selección	Fundamentación
Policía Local C1 Escala: Administración especial Subescala: servizos especiais	1	1 Mobilidade	Concurso	Artigo 19.Un.5 LOXE 2018
Administrativo C1 Escala: Administración xeral Subescala: administrativa	1	Libre	Concurso-oposición	Artigo 19.Un.7 LOXE 2018

Persoal laboral fixo:

Denominación	Nº vacantes	Acceso	Sistema selección	Fundamentación
Auxiliares de axuda no fogar	28	Libre	Concurso-oposición	Taxa adicional do artigo 19.Un.9 LOXE 2018
Peón de servizos múltiples	1	Libre	Concurso-oposición	Artigo 19.Un.7 LOXE 2018

Contra o presente acordo, que pon fin á vía administrativa, os interesados poderán interpoñer con carácter potestativo recurso de reposición, no prazo dun mes, a partir do día seguinte ao da publicación ante o mesmo órgano que a ditou conforme o establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas. Tamén poderá interpoñer recurso contencioso-administrativo ante o Xulgado do Contencioso-administrativo de Lugo no prazo de dous meses a partir do día seguinte ao da publicación de acordo co artigo 8.1 da Lei 29/1998, do 13 de xullo, reguladora da xurisdición contencioso-administrativa, sen prexuízo de que poida exercer calquera outro que xulgue procedente.

Guitiriz, 27 de febreiro de 2019

Regina Polín Rodríguez
Alcaldesa