No Xulgado do Contencioso-Administrativo núm. 1 de Vigo tramítase o recurso 4/2019 (procedemento abreviado), do Sindicato de Enfermaría SATSE, contra a desestimación presunta do recurso de alzada interposto fronte á Resolución da Xerencia de Xestión Integrada de Vigo do 12 de xullo de 2018, publicada mediante anuncio no Diario Oficial de Galicia núm. 134, do 13 de xullo, pola que se convoca concurso de mobilidade interna voluntaria para o persoal estatutario fixo do ámbito de atención hospitalaria correspondente a diversas categorías de persoal sanitario diplomado e de formación profesional e de persoal de xestión e servizos.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de febreiro de 2019

Margarita Prado Vaamonde
Directora xeral de Recursos Humanos