O Estatuto de persoal do Parlamento de Galicia establece que as necesidades de recursos humanos con asignación orzamentaria que non poidan ser cubertas co persoal existente e deban proverse mediante persoal de novo ingreso serán obxecto, de ser o caso, de aprobación dunha oferta anual de emprego público que se publicará no Boletín Oficial do Parlamento de Galicia e no Diario Oficial de Galicia.
O 28 de xaneiro de 2019, a Mesa do Parlamento de Galicia ratificou os acordos da Mesa de Negociación da Administración do Parlamento de Galicia, acadados os días 27 de novembro e 14 de decembro de 2018, sobre a oferta de emprego público do ano 2018.
Conforme o anterior, e unha vez analizadas as necesidades de persoal existentes, a Mesa da Cámara, ao abeiro do establecido no artigo 17 do Estatuto de persoal do Parlamento de Galicia, adopta o seguinte acordo:
Aprobar a oferta de emprego público da Administración do Parlamento de Galicia para o ano 2018, constituída polas seguintes prazas que se relacionan a continuación:
I. Persoal de novo ingreso.
Tipo de persoal: funcionario.
Grupo: D.
Corpo: auxiliar do Parlamento de Galicia.
Número de prazas: 1.
II. Promoción interna.
Tipo de persoal: funcionario.
Grupo: A.
Corpo: superior do Parlamento de Galicia.
Numero de prazas: 1.
Tipo de persoal: funcionario.
Grupo: B.
Corpo: xestión do Parlamento de Galicia.
Numero de prazas: 1.
Tipo de persoal: funcionario.
Grupo: C.
Corpo: administrativo do Parlamento de Galicia.
Número de prazas: 1.
Santiago de Compostela, 22 de marzo de 2019
Miguel Ángel Santalices Vieira
Presidente do Parlamento de Galicia