O procedemento de inscrición no Rexistro Profesional de Socorristas Acuáticos de Galicia está regulado polo Decreto 104/2012, do 16 de marzo, polo que se fixa a formación mínima dos socorristas acuáticos e se crea e regula o Rexistro Profesional de Socorristas Acuáticos de Galicia, modificado polo Decreto 35/2017, do 30 de marzo.
O director xeral da Academia Galega de Seguridade Pública ditou resolución relativa ao expediente de inscrición no Rexistro Profesional de Socorristas Acuáticos de Galicia da persoa interesada que se indica no anexo.
Tentada por dúas veces a notificación da citada resolución a través do servizo de Correos no domicilio indicado pola persoa interesada para os efectos de notificación, esta non se puido practicar e foi devolta polo dito servizo.
Polo exposto, esta dirección xeral, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, en virtude do presente anuncio, notifícalle á persoa interesada que se indica no anexo a resolución antes citada.
A persoa interesada pode recoller a notificación da resolución mediante comparecencia nas dependencias da Academia Galega de Seguridade Pública (rúa da Cultura, s/n, A Estrada, Pontevedra), das 9.00 ás 14.00 horas, no prazo de dez días contados a partir do seguinte ao da publicación deste anuncio no Boletín Oficial del Estado.
Contra a referida resolución, que non pon fin á vía administrativa, poderá interpoñer a persoa interesada, no prazo dun mes contado a partir do día seguinte ao da súa comparecencia para recoller a resolución, ou ao do transcurso do prazo previsto no parágrafo anterior sen que a persoa interesada compareza, recurso de alzada ante o vicepresidente e conselleiro de Presidencia, Administracións Públicas e Xustiza conforme as previsións da Lei 39/2015, do 1 de outubro, do procedemento administrativo común das administracións públicas.
A Estrada, 21 de marzo de 2019
Santiago Villanueva Álvarez
Director xeral da Academia Galega de Seguridade Pública
ANEXO
Solicitante: Ziro de Paz Dorado.
Acto notificado: declaración de desistencia da inscrición no Rexistro Profesional de Socorristas Acuáticos de Galicia.
Sección ou seccións do rexistro: Espazos acuáticos naturais.
