Neste centro directivo recibíronse dilixencias de ordenación do letrado da Administración de Xustiza da Sección Segunda da Sala do Contencioso-Administrativo do Tribunal Superior de Xustiza de Galicia, en relación cos recursos contencioso-administrativos números 4385/2018 e 4388/2018 interpostos contra a Orde do 18 de setembro de 2018 de aprobación definitiva parcial do Plan xeral de ordenación municipal de Foz (Lugo), solicitando o emprazamento dos interesados no expediente administrativo correspondente.
Para os efectos de cumprir o solicitado nas citadas dilixencias de ordenación, faise constar que o expediente xa foi remitido por este centro directivo á Sección Segunda da Sala do Contencioso-Administrativo do Tribunal Superior de Xustiza de Galicia o 20 de marzo de 2019.
O que se notifica para xeral coñecemento de todas as persoas interesadas nos procedementos, e emprazánse para que poidan comparecer como demandados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de marzo de 2019
Mª Encarnación Rivas Díaz
Directora xeral de Ordenación do Territorio e Urbanismo