O Pleno da Corporación, na sesión ordinaria que tivo lugar o día 10 de abril de 2019, adoptou, entre outros, o seguinte acordo:
Aprobar definitivamente o estudo de detalle das parcelas B4b01d e B4b01e do parque empresarial da Sionlla, segundo o proxecto refundido presentado o 2 de abril de 2019 por Financiera Maderera, S.A., asinado polo equipo técnico IDOM Consulting.
As parcelas emprázanse nas rúas de Castela e León (nº 63) e de Murcia (nº 2), e figuran no Catastro coas referencias catastrais 1112802NH4511A0000IF e 1112801NH4511A0000XF, respectivamente.
Con carácter previo ao inicio das obras, deberase obter a autorización do organismo autónomo Augas de Galicia.
Este acordo de aprobación definitiva publicarase no Diario Oficial de Galicia e a normativa e ordenanzas publicaranse no Boletín Oficial da provincia.
Así mesmo, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir o estudo de detalle no Rexistro de Planeamento Urbanístico de Galicia.
En todo caso, e de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do plan quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases do réxime local, en relación co 65.4 da mesma lei.
Contra o acordo da aprobación definitiva do citado estudo de detalle poderase interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
Santiago de Compostela, 17 de abril de 2019
O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á
Vivenda, Mobilidade e Relacións Veciñais